ЯҢАЛЫКЛАР


13
апрель, 2012 ел
җомга
Бүген 13-нче апрельдә «Татмедиа» Республика матбугат һәм массакүләм мәглүмат агентлыгы брифинг-залында (Академия урамы, 2-нче йорт) «Республика Татарстан» иҗтимагый-сәяси газетасының 95-еллыгын бәйрәм итү кысаларында Татарстан Республикасы Президенты Р.Н.Миңнеханов редакция коллективы белән очрашачак

12
апрель, 2012 ел
пәнҗешәмбе
“Казан” милли мәдәният үзәгендә ТР Журналистлар берлеге иҗади оешмасының ТР Дәүләт Советы рәисе урынбасары һәм әлеге берлек рәисе Римма Ратникова җитәкчелегендә XVIII корылтае булды. Аның эшенә алдан сайланган 170 делегатның 146сы, шулай ук ТР Дәүләт Советы Рәисе Фәрит Мөхәммәтшин, ТР Президенты Аппараты башлыгы Юрий Камалтынов, Республика матубгат һәм массакүләм коммуникация чаралары агентлыгы җитәкчесе Марат Моратов, Россия Журналистлар берлеге сәркатибе Ашот Джазоян һ.б. рәсми затлар катнашты.

10
апрель, 2012 ел
сишәмбе
ТР Президенты Рөстәм Миңнеханов “Татарстан геройлары” иҗтимагый оешмасы рәисе Илдус Мастюков, Сугыш һәм хәрби хезмәт хезмәт ветераннары иҗтимагый оешмасы рәисе Әхмәт Юлашев белән очрашты. Очрашуда шулай ук ТР Премьер-министрының беренче урынбасары Равил Моратов, ТР Президентының социаль мәсьәләләр буенча ярдәмчесе Татьяна Ларионова һәм Казан мэры Илсур Метшин катнашты. 
Башкортстан татар вакытлы матбугаты тагын бер басмага ишәйде. Уфада “Сөенче” исемле атналык газета чыга башлады. Ул дәүләтнеке түгел, ә татар эшкуары ярдәме белән нигез салынган хосусый басма. Башкортстанда татар вакытлы басмалары күп дип әйтеп булмый.

5
апрель, 2012 ел
пәнҗешәмбе
 Бүген Татарстан халыклары Ассамблеясы әгъзалары Казанда узучы чираттагы хисап-сайлау конференциясендә ике елда башкарган эшчәнлекләренә нәтиҗә ясаячак. Чарада ТР Дәүләт Советы Рәисе, Ассамблея Советы җитәкчесе Фәрит Мөхәммәтшин катнаша.

4
апрель, 2012 ел
чәршәмбе

Иртәгә Казан медицина көллиятендә “Табиб-педиатр практикасында традицион терапия” исемле фәнни-гамәли конференция узачак. Аны Казан дәүләт медицина академиясе оештырган, дип хәбәр итә КДМА матбугат хезмәте.


30
март, 2012 ел
җомга
Гражданнарны социаль ипотека системасында торак шартларын яхшыртуга мохтаҗлар буларак исәпкә кую кагыйдәләрен һәм тәртибен бозган өчен, вазыйфаи затларга биш меңнән сигез мең сумга кадәр административ штраф салу күздә тотыла. Моңа кагылышлы “Татарстан Республикасының Административ хокук бозулар турында кодексына үзгәрешләр кертү хакында» закон проекты бүген ТР Дәүләт Советының егерме җиденче утырышында беренче укылышта кабул ителде.

29
март, 2012 ел
пәнҗешәмбе
Татарстанда “Татарстан Республикасының Атказанган матбугат һәм массакүләм коммуникацияләр хезмәткәре” мактаулы исеме гамәләгә куела. Моңа кагылышлы “Татарстан Республикасы дәүләт бүләкләре турында” ТР Законының 13 һәм 14 статьяларына үзгәрешләр кертү хакында» закон проекты бүген ТР Дәүләт Советының егерме җиденче утырышында беренче укылышта кабул ителде.
Хөкүмәт йортында Премьер-министр Илдар Халиков рәислегендә узган киңәшмәдә Яшел Үзән шәһәре икътисадын модернизацияләү буенча комлекслы инвестиция планы тикшерелде. Фикер алышуларда ТР Премьер-министрының беренче урынбасары Равил Моратов, Икътисади үсеш һәм интеграция буенча РФ Хөкүмәте комиссиясе каршындагы моношәһәләрне модернизацияләү буенча эшче төркем җитәкчесе Ирина Макиева, РФ Федерация Советының аграр-азык-төлек сәясәте һәм табигатьтән файдалану буенча комитеты рәисенең беренче урынбасары Сергей Лисовский, FGN Capital Директорлар советы рәисе Александр Халдей һ.б. катнашты. 

Бүген дүртенче чакырылыш Татарстан Республикасы Дәүләт Советының 27 нче утырышы уза. 
Алдагы утырышның көн тәртибенә 18 мәсьәлә кертергә тәкъдим ителә. Бу көнне Татарстан Республикасының 11 закон проектын карау күздә тотыла, аларның өчесе икенче укылышта карау өчен әзерләнгән. Сигез закон проекты беренче укылышта карау өчен тәкъдим ителә.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International