Казанда журналистлар өчен ислам нигезләрен өйрәнү буенча семинар узды
Семинарда төп игътибар ислам диненә һәм гомумкешелек кыйммәтләренә бирелде
Бүген ТР Матбугат һәм массакүләм коммуникацияләр агентлыгында журналистлар өчен ислам нигезләрен өйрәнү буенча семинар узды. Галимнәр ислам дине нигезләре турында сөйләде, алар игътибарны ислам диненә һәм гомумкешелек кыйммәтләренә юнәлтте. Чараның модераторы буларак “Поволжский мир” толерантлык үзәге директоры Владимир Роскин чыгыш ясады.
Казан федераль университетының сәясәт тарихы кафедрасы мөдире Ринат Набиев ислам турында буддизм белән христиан диненнән соң өченче дөньяви дин буларак сөйләде. Аның сүзләренә караганда, фәндә нәкъ шулай.
Ислам аерым урын алып тора – ул универсаль дин, шул ук вакытта аның дини үзенчәлекләре бар. Аны өйрәнү “ак” һәм “кара” аңлатмалары белән аерылмый, аның күпсанлы чикләүләре бар. Р.Нәбиев бу аңлатманы традицион ислам белән бутамауны сорады. Диннең традицион формалары тотрыклылык белән аерылып тора.
Казан федераль университетының сәясәт тарихы кафедрасы ассистенты Илсур Нафиков динне өйрәнү нигезләре һәм исламдагы юнәлешләр турында сөйләде.
29 май, «Татар-информ», Ирина Игнатьева