Николай Никифоров РФ Элемтә һәм гаммәви коммуникацияләр министры итеп билгеләнде
2010 нчы елдан бирле ул ТР Премьер-министры урынбасары – Мәгълүматлаштыру һәм элемтә министры вазифаларын башкарды
Бүген Россия Президенты Владимир Путин РФ Хөкүмәтенең яңа составын игълан итте. ТР вице-премьеры – Мәгълүматлаштыру һәм элемтә министры Николай Никифоров РФ элемтә һәм гаммәви коммуникацияләр министры итеп билгеләнде.
Николай Никифоров 1982 нче елның 24 июнендә Казанда туган. Казан дәүләт университетының икътисад факультетын тәмамлаган (1999-2004).
2001-2005 елларда – “Казан Порталы” компаниясе директоры урынбасары.
2004-2005 елларда “Современные интернет-технологии” ААҖ генераль директоры урынбасары.
2005 елның августыннан ТР Премьер-министрының мәгълүмати технологияләр буенча киңәшчесе.
2006-2010 елларда – ТР мәгълүмати технологияләр үзәге гендиректоры.
2010 нчы елның 22 апреленнән ТР вице-премьеры – ТР Мәгълүматлаштыру һәм элемтә министры.
Өйләнгән, кызы һәм ике улы бар.
21 май 2012 г., “Татар-информ”