ЯҢАЛЫКЛАР
Бүген Татарстан Республикасының туризм буенча Дәүләт комитеты рәисе урынбасары Лиана Сәетова һәм Татарстанның атказанган артистлары, Артур&Марат дуэты “Татмедиа” АҖендә 10 ноябрьдән башланган “#2017 елга язылу бүләк ит” акциясенә кушылды. Алар “Сөембикә” журналына язылды.
10 ноябрьдә старт алган “#2017 елга язылу бүләк ит” хәйрия проекты үз эшен дәвам итә. Бу акциядә катнашучылар, газета-журналларга киләсе яртыеллыкка язылып, аны балалар һәм картлар йортларында тәрбияләнүчеләргә бүләк итә. Бүген акциядә катнашучылар "Сөембикә" журналына язылып, махсус чыршы уенчыкларына истәлек автографы куйды һәм аларны "ТАТМЕДИА чыршысына" элеп калдырды.
Лиана Сәетова “Татарстан Республикасы эшлекле хатын-кызлар” иҗтимагый оешмасы президенты да буларак, язылуны оешманың кураторлыгында булган Дәрвишләр бистәсендәге беренче номерлы корреция мәктәбенә бирергә булды. “Мин шулай итеп аларга бераз булса да, ярдәм итәргә телим”, - диде Лиана Сәетова.
Артур&Марат дуэты исә Казанда булганда һәрвакыт мондый проектларда катнашырга тырышабыз диделәр. “Без “Сөембикә” журналына инде язылдык һәм аны картлар йортына бүләк иттек. Кемдер туган йортына, кемдер балалар йортына бирә, ә без картлар йортын сайладык. Чөнки йөрәк – ул һәрвакыт яшь, ул һәрвакыт яратырга тиеш”, - диделәр алар.
Яшел Үзән халкы арасында #Әни-әтиләрне яздыр һәм #туганнарыңны яздыр акциясенә кушылучылар саны арта, дип хәбәр итә zpravda.ru.
Казанда Татарстан икътисад министрлыгы тарафыннан оештырылган, республикада кече һәм урта эшмәкәрлекне үстерүгә багышланган журналистлык эшләре һәм медиа-проектлары V республика бәйгесендә җиңүчеләрне билгеләү тантанасы узды. Бәйгенең "Үсеш нокталары" номинациясендә "Татар-информ" мәгълүмат агентлыгы корреспонденты Лилия Хәсәнова (Локманова) җиңү яулады. Бүләкләү тантанасы Казанның Ramada Kazan City Center отелендә оештырылган иде.
Бүген «Татмедиа» Республика матбугат һәм массакүләм коммуникацияләр агентлыгы оештырган «Татнет йолдызлары» интернет-сайтлары конкурсында җиңүчеләр бүләкләнде.
Бүген, 22 ноябрьдә, “Идел” яшьләр журналы тарихта беренче тапкыр Әдәби суд утырышын Татарстанның Әлмәт шәһәрендә үткәрде. "Әдәби суд" Татарстан Язучылар берлегенең әдәби тәнкыйть секциясе, Әлмәт Язучылар оешмасы һәм “Идел” журналы белән берлектә оештырылган. Бу хакта “Идел” журналы баш мөхәррире Радик Сабиров хәбәр итә.
Казан Яшь тамашачы театрында “Бала хокук даирәсендә“ III республика мәгълүмати-социаль видеороликлар бәйгесе җиңүчеләрен игълан иттеләр. 1 сентябрьдән 31 октябрьгә кадәр җибәрелгән 419 роликтан жюри тугыз җиңүчене сайлап алган, шулай ук тагын дүрт иҗат коллективына бүләкләр тапшырылды.
Радик Ильясов “Кама таңнары” балалар приютын "Сабантуй” журналына яздырды.
Бүген Чаллы шәһәре мэры Наил Мәһдиев «Татар-информ»да матбугат конференциясе кунагы булды һәм «Татмедиа»нең «#2017 ел подпискасын бүләк ит» акциясендә катнашты.