ЯҢАЛЫКЛАР

Телевидение алып баручысы һәм җәмәгать эшлеклесе Анна Чапман «RT.Док: Геройлар чоры» халыкара документаль кино фестивален ябу кысаларында  «Кызыл хәвеф. Гибрид сугыш» картинасын күрсәтәчәк. Ул  Татарстан Республикасы Хөкүмәте, «Татмедиа» матбугат һәм массакүләм коммуникацияләр агентлыгы, Татарстан Республикасы Мәдәният министрлыгы ярдәмендә 25 июльдән 27 июльгә кадәр  «ИТ-парк» югары технологияләр технопаркында узачак.

«Татарстан Республикасы муниципаль берәмлекләр советы»  ассоциациясе республиканың дәүләт хакимияте органнары, һөнәри бергәлекләр белән бергәләп массакүләм мәгълүмат чараларында җирле үзидарә темасын иң яхшы яктыртуга багышланган ел саен уздырыла торган конкурс үткәрә.

"Геройлар чоры" беренче халыкара фестиваль программасына махсус хәрби операция геройлары турында 15 документаль фильм кертелгән. Фестиваль кысаларында фильмнарны төшерүчеләр белән очрашулар һәм фикер алышулар, ачык лекцияләр һәм түгәрәк өстәлләр узачак. Фестиваль 25 июльдән 27 июльгә кадәр Казанда узачак.

Татарстан Республикасы Дәүләт алкоголь инспекциясе, «Татмедиа» матбугат һәм массакүләм коммуникацияләр буенча республика агентлыгы, Татарстан Республикасы Журналистлар берлеге кулланучылар хокукларын яклау темасын иң яхшы яктыртуга VII Республика конкурсы башлануы турында игълан итә.

Конкурс массакүләм мәгълүмат чараларын кулланучылар хокукларын яклау мәсьәләләрен киң яктыртуга җәлеп итү максатыннан үткәрелә.

Конкурс түбәндәге номинацияләр буенча үткәрелә:

- «Татарстан Республикасында кулланучылар хокукларын яклау темасын яктырту буенча басма матбугатта иң яхшы басма»;

- «Татарстан Республикасында гражданнарның кулланучылар грамоталылыгын арттыру буенча ММЧның иң яхшы редакциясе»;

- «Татарстан Республикасында кулланучылар хокукларын яклау темасын яктырту буенча иң яхшы интернет-басма»;

- «Татарстан Республикасында кулланучылар хокукларын яклау темасын яктырту буенча иң яхшы телесюжет (яки телетапшыру)»;

- «Татарстан Республикасында кулланучылар хокукларын яклау темасын яктырту буенча иң яхшы радиосюжет (радиотапшыру)».

Конкурста ММЧ редакцияләре, аерым авторлар, Татарстан Республикасы территориясендә эшчәнлек алып баручы юридик затлар катнаша ала.

Конкурска түбәндәге эш төрләре кабул ителә:

- телевизион эшләр (программалар, махсус репортажлар, телесюжетлар циклы һәм башка телевизион эшләр) 15 секундтан да ким булмаган дәвамлылыкта, CD - яки DVD-дискта һәм (яки) хәтер флеш-картасында йөкләү өчен МР4 һәм (яки) актив сылтама форматында тәкъдим ителә;

- радиосюжетлар (программалар, махсус репортажлар, радиосюжетлар циклы) 15 секундтан да ким булмаган дәвамлылыкта, CD - яки DVD-дискта һәм (яки) хәтер флеш-картасында йөкләү өчен МР4 һәм (яки) актив сылтама форматында тәкъдим ителә;

- басма, электрон ММЧда (публикацияләр сериясе, махсус чыгарылышлар) газеталарда (журналларда, альманахларда) һәм башка басма, электрон ММЧда, җитәкче имзасы һәм юридик зат мөһере белән расланган (булган очракта) яки физик затлар өчен автор имзасы белән расланган, оригиналда, һәм (яки) ксерокопиядә, һәм (яки) сканерланган (фото) варианты.

Конкурс эшләре, конкурс турындагы Нигезләмәдә күрсәтелгән документлар пакеты белән бергә, Татарстан Республикасы Дәүләт алкоголь инспекциясе тарафыннан түбәндәге адрес буенча кабул ителә: 420107, Татарстан Республикасы, Казан шәһәре, Һади Такташ урамы, 94 йорт, махсус (почта) һәм (яки) электрон почта (pdf, jpeg яки видеоформат форматында) адресына: konkurs.zpp@tatar.ru 2023 елның 20 октябренә кадәр «Татарстан Республикасында кулланучылар хокукларын яклау темасын иң яхшы яктыртуга Конкурс» билгесе белән.

Белешмәләр өчен телефоннар: (843) 277-94-99, 277-94-95.

Йомгак ясау һәм бүләкләү 2023 елның ноябрь – декабрендә узачак.

Конкурсны үткәрү тәртибе, шартлары һәм вакыты турында тулырак мәгълүмат Кулланучылар хокукларын яклау буенча Татарстан Республикасы порталында урнаштырылган http://tatzpp.ru/, кулланучылар хокукларын яклау темасын иң яхшы яктыртуга Конкурс бүлегендә (https://www.tatzpp.ru/events/konkurs/78598/) урнаштырылган.

«Татмедиа» республика матбугат һәм массакүләм коммуникацияләр агентлыгы  җитәкчесе Айдар Сәлимгәрәев телеканал хезмәткәрләрен  телеканалның җиде яшьлек туган көне белән котлады һәм  «Татмедиа» АҖ Рәхмәт хатларын тапшырды.

Ул, «Татарстан-24» каналының  заманча булуын һәм тамашачыларга социаль челтәрләр аша да оператив һәм дөрес мәгълүмат бирүен билгеләп үтте.

« 7 ел эчендә  телеканал зур уңышларга иреште, монда сезнен  өлешегез бик зур . «Татарстан 24» республиканың массакүләм мәгълүмат чаралары арасына ныклы адымнар белән килеп керде һәм үз урынын тапты. Аның потенциалы искиткеч. Сезгә уңышлар телим», – диде ул.

 «Татарстан-24» хезмәткәрләрен каналның җитәкчесе Андрей Кузьмин да котлады һәм  редакция хезмәткәрләренә рәхмәт хатлары тапшырды.

"Казанские ведомости" газетасы 32 нче туган көнендә  "Газетадан аерылмагыз!" дигән марафон башлап җибәрүе турында игълан итте.  Аның максаты – бөтен Россиягә, цифрлаштыруга карамастан, басма газеталарның булуын һәм алга таба да булачагын белдерү.

«Татмедиа»  Республика матбугат һәм массакүләм коммуникацияләр агентлыгы җитәкчесе Айдар Сәлимгәрәев Республика Рәисе Рөстәм Миңнеханов һәм «Общественное телевидение России» (ОТР) телеканалы генераль директорының беренче урынбасары Аляутдинов Фәрит Мәгъсүм улы белән очрашуда катнашты.  Әлеге телеканал белән безнең дустанә хезмәттәшлек күптән алып барыла. Бүген «Төбәк көне» проекты турында фикер алышынды, аның  кысаларында Татарстан Республикасы тарихы һәм казанышлары турында сөйләргә планлаштырыла.

2 июньнән 6 июньгә кадәр Мәскәүдә "Кызыл мәйдан" китап фестивале узачак. Ул Тарих музееннан алып Василий Блаженный храмына һәм ГУМ биналарына кадәр булган мәйданны алып торачак. Татарстан китап нәшрияты да  башкала халкына  һәм кунакларына  үз басмаларын тәкъдим итәчәк.

«Сәйдәш» мәдәният үзәгендә «Бәллүр каләм» журналистика һәм массмедиа өлкәсендә XXVI  Республика конкурсында җиңүчеләрне бүләкләү тантанасы узды. Конкурс 1998 елдан бирле уздырыла. Конкурсны гамәлгә куючылар - Республика матбугат һәм массакүләм коммуникацияләр агентлыгы һәм Татарстан Республикасы Журналистлар берлеге. «Бәллүр каләм» бәйгесенең жюри составына әйдәп баручы журналистлар - федераль, республика, шәһәр һәм район массакүләм мәгълүмат чаралары вәкилләре һәм җитәкчеләре керә. Конкурсның гомуми бүләкләү фонды - 700 000 сум. Гран-при - Татарстан Республикасы җитәкчелеге исеменнән «Лада Гранта» автомобиле. 2023 елда конкурска 2227 эш кабул ителгән (2022 елда - 1696 эш). Иң күп эшләр - «Һөнәрдә иң яхшысы» (493 эш), «Популяр блогер» (57 эш) һәм «Россия халыкларының мәдәни мирасы елын иң яхшы яктырту» махсус номинациясендә (461 эш).

Җиңүчеләр:

«Ел медиаперсонасы» номинациясе

Шадриков Александр Валерьевич, Татарстан Республикасы экология һәм табигать ресурслары министры 

«Журналистикага тугрылык өчен» номинациясе

Нуриев Вакыйф Вәкилевич, «Казан утлары» журналы

Хәсәнова Рүзилә Рифкатовна, «Актаныш-информ» мәгълүмат үзәге

«Мультимедияле редакция» номинациясе

 «Татарстан-24» телеканалы

 «Ватаным Татарстан» газетасы

«Иң яхшы район (шәһәр) редакциясе» номинациясе

«Шәһри Казан-Язмыш» газетасы

«Сарман» газетасы

«Һөнәрдә иң яхшысы» номинациясе

Дәүләтшин Зөфәр Вахитович,  «Яңа гасыр» телерадиокомпаниясе

Мөбарәкшина Зилә Ниязовна, «Татар-информ» мәгълүмат агентыгы

«Ел фоторепортеры» номинациясе

Захаров Михаил Юрьевич, «Татар-информ» мәгълүмат агентыгы

«Ел телеоператоры» номинациясе

Ключников Андрей Валентинович,  «Яңа гасыр» телерадиокомпаниясе

«Нәтиҗәле матбугат хезмәте» номинациясе

Түбән Кама муниципаль районының матбугат хезмәте

«Популяр блогер» номинациясе

Габидуллин Илназ Ихсанович

Мәһдиева Алия Рөстәмовна

«Туган тел» номинациясе

Мусин Фәнил Зөлкафирович, «Якташлар» газетасы, Мари Иле Республикасы

«Татарстан Республикасында милли проектларны яктырту буенча иң яхшы ММЧ редакциясе» махсус номинациясе

«Дуслык» газетасы, Норлат районы

«Авангард» газетасы, Тәтеш районы

«Татарстан Республикасында Цифрлаштыру елын иң яхшы яктырту» махсус номинациясе

«Комсомольская правда» газетасы

«Республика Татарстан» газетасы

«Россия халыкларының мәдәни мирасы елын иң яхшы яктырту» махсус номинациясе

«Болгар радиосы»

«Татарстан» ДТРК

Гран-при

Латышев Александр Николаевич, «Республика Татарстан» газетасының баш мөхәррире

Җиңүчеләрне котлыйбыз!

2023 елның 30 маенда Татарстан Республикасы журналистика һәм массмедиа өлкәсендә «Бәллүр каләм — Хрустальное перо» XXVI Республика конкурсында җиңүчеләрне бүләкләү тантанасы булды. Тантана “Сәйдәш” мәдәни үзәгендә узды.  Җиңүчеләрне ун номинация һәм өч махсус проект буенча билгеләделәр. Массакүләм мәгълүмат чаралары белән яхшы эшләве өчен ТР экология министры Александр Шадриков "Ел медиаперсоны" исеменә лаек булды. Бүләкне аңа ТР Рәисе Администрациясе Җитәкчесе Әсгать Сәфәров тапшырды.