ЯҢАЛЫКЛАР

Азнакайдан Рамил Фәттаховның каз өмәсе турындагы фоторәсеме “Иң яхшы рәсем” номинациясендә җиңү яулады.

Берлек составына 1200гә якын гаммәви мәгълүмат чарасы вәкиле керә.

Каналны ике ел эчендә 3 млн 200 меңнән артык тапкыр караганнар.

Хәзер без күнеккән телевидение “зәңгәр томаннар артында” калачак, чөнки ул рәсемнәренең сыйфаты буенча да, тавыш ягыннан да цифрлысына караганда күпкә кайтыш.

Хөрмәтле журналистлар! Республика матбугат һәм массакүләм коммуникацияләр агентлыгы дәүләт гражданлык хезмәте - 2018 мәсьәләләрен яктырту буенча иң яхшы журналист эше бәйгесен тәмамлый.

«Яшьләр хәрәкәте тарихы» журналистларның Бөтенсоюз Ленинчыл коммунистик яшьләр союзы (ВЛКСМ) оешуның 100 еллыгына багышланган ачык республика конкурсының җиңүчеләре билгеләнде

Kazinform һәм “Татар-информ” агентлыклары хезмәттәшлеге турында меморандум имзалануы көтелә.

“Хозур ТВ” беренче мөселман телевидениесе Россия күләмендә шигырьләр конкурсы игълан итә. Авторларның иҗади хезмәтләре “Минем күркәм динем” шигырьләр конкурсында бәяләнәчәк.

Конкурска татар һәм рус телләрендә эшләр кабул ителә, алар ислам диненең төрле ягына багышланырга һәм рухи-әхлакый кыйммәтләргә, тәкъвалыкка багышланырга тиеш. Конкурс ислам һәм әхлакый кыйммәтләрне популярлаштыру, мөселманнар арасында иҗади эшчәнлекне активлаштыру максатыннан үткәрелә.

Иң яхшы эшләр “Хозур ТВ” каналында махсус эшләнәчәк тапшыруда файдаланылачак.

Конкурста катнашучыларның гаризалары 17 октябрьдән 20 ноябрьгә кадәр вакыт аралыгында кабул ителә.

Шигъри конкурсның җиңүчеләре 2018 елның 12 декабрендә билгеле булачак. Җиңүчеләргә дипломнар, истәлекле бүләкләр тапшырылачак.

Тулырак мәгълүмат белән http://dumrt.ru/news/news/news_21056.html сылтамасы буенча кереп танышырга була. 

Бүген “Татмедиа” республика матбугат һәм гаммәви коммуникацияләр агентлыгында футбол буенча дөнья чемпионатын яктырткан журналистлар бүләкләнде.

Агентлык җитәкчесе Айрат Зарипов әйтүенчә, чемпионат вакыйгалары турында профессиональ мәкаләләр аша бөтен дөнья Россиядә мундиальнең югары дәрәҗәдә оештырылганын белде. “Бу ел илдә әһәмиятле вакыйгаларга бай. Россия Федерациясе Президентын сайлау, футбол буенча дөнья чемпионаты. Сезнең оешкан төстә, зур талант белән эшләвегез нәтиҗәсендә, бөтен дөнья Россия Федерациясенең дөнья чемпионатына ничек әзерләнгәнен күрде. Экспертлар бәясе буенча, бу – тарихта иң яхшы чемпионат”, - дип белдерде Айрат Зарипов кереш сүзендә.

Конкурс Татарстан Республикасы Министрлар Кабинеты ярдәме белән «Татмедиа» матбугат һәм массакүләм коммуникацияләр  буенча республика агентлыгы һәм Татарстан Республикасы Иҗтимагый палатасы тарафыннан үткәрелде.

Конкурсның төп максаты – социаль юнәлештәге коммерциячел булмаган оешмаларның эшчәнлегенә игътибарны җәлеп итү.