ЯҢАЛЫКЛАР
«Татмедиа» акционер җәмгыятендә булачак беренче сыйныф укучылары һәм аларның әти-әниләре белән очрашу булды. Агентлык җитәкчелеге балаларны яңа тормышка аяк басулары белән котлады һәм бүләкләр тапшырды. Сәламләү сүзе белән яшь кунакларга «Татмедиа» республика матбугат һәм массакүләм коммуникацияләр агентлыгы җитәкчесе Айдар Сәлимгәрәев һәм «Татмедиа» АҖ генераль директоры Шамил Садыйков мөрәҗәгать итте. Алар укучыларга уңышлы укулар һәм яңа җиңүләр теләделәр.
Конкурс түбәндәге номинацияләр буенча уздырыла: «Телесюжетлар циклы», «Телепроектлар (документаль фильм, телепрограммалар) циклы», «Радиотапшырулар (репортажлар) циклы», «Басма матбугатта мәкаләләр циклы», «Интернет-массакүләм мәгълүмат чараларында материаллар циклы», «Балалар-яшүсмерләр өчен мәгърифәтчелек проектлары».
Илебезнең танылган кешеләре – Антон һәм Виктория Макарскийлар, Михаил һәм Катерина Башкатовлар, Анатолий Руденко һәм Елена Дудина, Глафира Тарханова һәм Алексей Фадеев, Агния Кузнецова һәм Максим Петров гаиләләре илнең изге урыннары буйлап сәяхәт итә.
Бүген «Татмедиа» бинасында урнашкан «Әдәби кафе»да Равил Сабыр тәхәллүсе белән танылган язучы, журналист Равил Сабиров белән очрашу оештырылды. Язучы «Фәхрине үтереп ташладылар» дигән детектив романын тәкъдим итте.
Дагыстанда «Голос Евразии» Бөтенроссия фестивале конкурсына йомгак ясадылар. «Татарстан» ДТРК радиосы Рәсүл Гамзатов истәлегенә багышланган радиотапшырулар циклы өчен Гран-при алды.
“Татмедиа” матбугат һәм массакүләм коммуникацияләр агентлыгы җитәкчесе Айдар Сәлимгәрәев татар язучысы һәм шагыйре Равил Фәйзуллинны 80 яшьлек юбилее белән котлады.
«Татмедиа» АҖ журналисты, «Мамадыш-информ» баш мөхәррире урынбасары Эльмира Миңнекаева 2023 елның иң яхшы журналист әсәренә Россия Журналистлар берлеге үткәргән конкурста җиңү яулады. Журналист гражданнарны социаль адаптацияләүгә багышланган мәкаләләр циклы өчен бүләкләнде.
ТНВ телекомпаниясе журналисты Зөфәр Дәүләтшин һәм оператор Андрей Ключников «Время вспомнить» кыска метражлы киноның икенче халыкара кинофестивалендә «Иң яхшы телевизион — документаль фильм» номинациясендә җиңүче булды. Авторлар Украинада Россия махсус хәрби операциядә катнашучылар турында «ZV-2» фильмын Санкт-Петербургта тәкъдим итте.
Мәскәүдә илкүләм һөнәри осталык чемпионаты финалына йомгак ясадылар. 187 нче Казан күппрофильле лицее укучысы Илсаф Хәбибуллин юниорлар арасында «Полиграфия технологияләре» компетенциясе буенча икенче урынны алды.
«Татмедиа» АҖ филиалы «Чаллы хәбәрләре» газетасы журналисты Эльвира Мөхәммәтдинова Арсеньев исемендәге гомумроссия әдәби премиясе лауреаты булды, бу премиянең күләме ярты миллион сум тәшкил итә. Җиңүчене «Тын океан Россия әдәбияты» фестивале президенты, «Главкнига» премиясен гамәлгә куючыларның берсе Вячеслав Коновалов бүләкләде.