ЯҢАЛЫКЛАР
Россиянең Милләтләр эшләре буенча федераль агентлыгы «Рус цивилизациясе» V халыкара фотоконкурсы башлану хакында игълан итә
11 сентябрьдә Россиянең биш эре шәһәрендә "Мир" телерадиокомпаниясенең "Мин вакцинация ясаттым" масштаблы акциясе башлана. Социаль акция СОVID-19 авыруыннан вакцинация ясату зарурлыгына игътибарны җәлеп итүгә һәм вакцинация ясатуга уңай мөнәсәбәт булдыруга юнәлдерелгән. Ике көн дәвамында Красноярск, Новосибирск, Казан, Чиләбе һәм Пермьдә волонтерлар бу җаваплы адымны инде ясаган яки ясарга җыенган барлык кешеләргә бүләкләр таратачак. Акция Красноярск крае, Татарстан Республикасы, Новосибирск, Чиләбе һәм Пермь өлкәләренең сәламәтлек саклау органнары ярдәмендә уза.
10 сентябрьдә 09.30 сәгатьтә “Татар-информ” мәгълүмат агентлыгында агымдагы санитар-эпидемиологик хәлгә багышланган матбугат конференциясе узачак.
9 сентябрьдә, 15:30 сәгатьтә “Татар-информ” мәгълүмат агентлыгында көзге чорда Татарстан Республикасы территориясендә югары патогенлы кош гриппы үтеп керүгә һәм таралуына юл куймау чараларына багышланган пресс-конференция узачак.
9 сентябрьдә, 10.00 сәгатьтә “Татар-информ” мәгълүмат агентлыгында татар телендә “Шамаил-арт” ислам сәнгате фестиваленә багышланган матбугат конференциясе узачак.
«Татар рухы һәм каләм» Бөтенроссия журналистлары һәм массакүләм мәгълүмат чаралары бәйгесе ел саен милли өстенлекләрне пропагандалау максатыннан оештырыла.
“Татмедиа” республика матбугат һәм массакүләм коммуникацияләр агентлыгы Татарстан Республикасы Регион идарә үзәге белән берлектә «Нәрсә булды?» Telegram-ботын эшләтеп җибәрделәр. Әлеге хезмәттән файдаланып, республика халкы һәлакәтләр, проблемалар турында хәбәр итә ала яки хакимият органнары һәм социаль объектлар эшен яхшырту турында үз тәкъдимнәрен җибәрә ала. Telegram-бот "Инцидент Менеджмент" системасына өстәмә буларак эшләячәк, әлеге система ярдәмендә Татарстан министрлыклары, ведомстволары һәм район администрацияләре социаль челтәрләрдә халык шикаятьләрен һәм мөрәҗәгатьләрен күзәтеп тора һәм аларга җавап бирә.
8 сентябрьдә, 10.00 сәгатьтә “Татар-информ” мәгълүмат агентлыгында 2021 елның 19 сентябрендә бердәм тавыш бирү көнендә Татарстан Республикасы территориясендә сигезенче чакырылыш Россия Федерациясе Дәүләт Думасы депутатларын сайлауга әзерлеккә багышланган матбугат конференциясе узачак.
7 сентябрьдә, 12.00 дә «Татар-информ» мәгълүмат агентлыгында XXXI татар яшьләре көннәренә багышланган матбугат конференциясе була.
6 сентябрьдә, 12.30 сәгатьтә «Татар-информ» мәгълүмат агентлыгында «Пушкин картасы» проектына багышланган матбугат конференциясе узачак.