Массакүләм мәгълүмат чаралары арасында «Добро в эфире» республика конкурсы үткәрелә

2021 елның 25 октябреннән 14 декабренә кадәр 2021 елда Татарстан Республикасының хәйриячелек бергәлеге тарафыннан үткәрелгән чараларны иң яхшы яктыртуга массакүләм мәгълүмат чаралары арасында «Добро в эфире» республика конкурсы үткәрелә.

Конкурста массакүләм мәгълүмат чаралары редакцияләре,  аерым авторлар (журналистлар, блогерлар), авторлык коллективлары, Татарстан Республикасы югары уку йортлары студентларының массакүләм мәгълүмат чаралары вәкилләре катнаша ала.

Конкурс түбәндәге номинацияләрдә оештырыла:

- шәһәр һәм республика массакүләм мәгълүмат чараларында «Интернет басмаларда һәм вакытлы матбугат басмаларында иң яхшы мәкалә»;

- «Социаль челтәрләрдә  иң яхшы мәкалә»;

- шәһәр һәм республика массакүләм мәгълүмат чараларында «Иң яхшы телесюжет»;

- шәһәр һәм республика массакүләм мәгълүмат чараларында «Радиода иң яхшы хәбәри чыгарылыш»;

«Студентларның басма һәм электрон массакүләм мәгълүмат чараларында иң яхшы эш»;

- «Татарстан Республикасының хәйриячелек бергәлеге эшчәнлеге хакында иң яхшы видеоролик».

Конкурста катнашкан барлык затларга дипломнар тапшырылачак. 

Конкурсның приз фонды – 300 мең сум, һәрбер номинация өчен 50 мең сумлык приз каралган.

Конкурс Татарстан Республикасы Яшьләр эшләре министрлыгы һәм «Татмедиа» республика матбугат һәм массакүләм коммуникацияләр агентлыгы ярдәме белән  «Татарстан Республикасы хәйрия оешмаларының мәгълүмат-ресурс үзәге» автоном коммерциячел булмаган оешмасы тарафыннан үткәрелә.   

Эшләрне dobrort.org@gmail.com. электрон адресына җибәререгә кирәк.