«Татар-информ» мәгълүмат агентлыгында вакцинация барышына һәм  QR-кодлар алуга багышланган матбугат конференциясе булачак

22 октябрьдә, 10:00 сәгатьтә «Татар-информ» мәгълүмат агентлыгында вакцинация барышына һәм  QR-кодлар алуга багышланган матбугат конференциясе булачак.

Чарада Кулланучылар хокукларын яклау һәм кешенең имин тормышы өлкәсендә күзәтчелек буенча федераль хезмәтнең (Роспотребнадзор) Татарстан Республикасы буенча идарәсе җитәкчесе Марина Патяшина, Татарстан Республикасы сәламәтлек саклау министры  беренче урынбасары Альмир Абашев, Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин һәм Татарстан Республикасында дәүләт хезмәтләре һәм муниципаль хезмәтләр күрсәтүнең күпфункцияле үзәге директоры Ленара Мозаффарова катнаша.

«Татар-информ» мәгълүмат агентлыгы сайтында матбугат конференциясенең онлайн-трансляциясе оештырылачак.

Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә алалар. Шулай ук теләүчеләр сорауларын онлайн-видеога шәрехләүләрдә бирә ала. ММЧ күрсәтү сорала.

ММЧ аккредитацияләү түбәндәге электрон почта аша уза: pr@tatar-inform.ru

ИГЪТИБАР!  КОРОНАВИРУС ИНФЕКЦИЯСЕ ТАРАЛУ КУРКЫНЫЧЫ БУЛМАСЫН ӨЧЕН БРИФИНГ ЗАЛЫНДА ДИСТАНЦИЯ САКЛАУ ҺӘМ МАСКА РЕЖИМЫН ҮТӘҮ СОРАЛА!