ЯҢАЛЫКЛАР
Горький исемендәге үзәк мәдәният һәм ял паркында ачык һавада ТАССРның гасырлык юбилеена һәм «Татар-информ» мәгълүмат агентлыгының 30 еллыгына багышланган уникаль фотокүргәзмә ачылды. Парк кунакларына гади татарстанлыларның тормышы, милли гореф-гадәтләре һәм төбәк тарихы турында сөйли торган 40 кадр тәкъдим ителде.
Татарстан Милли китапханәсе халыкның республикадагы китапханәләр турында фикерен өйрәнү максаты белән сораштыру үткәрә. Сезнең китапханәләргә карата мөнәсәбәтегезне белү безнең өчен бик мөһим – бу, һичшиксез, республикабыздагы китапханә хезмәте күрсәтү эшен камилләштерергә ярдәм итәчәк!
Россия Федерациясе Авыл хуҗалыгы министрлыгы массакүләм мәгълүмат чаралары, журналистлар һәм блогерлар өчен ел саен үткәрелә торган «Минем җирем – Россия» иҗади конкурсын уздыру турында игълан итте.
Баш мөхәррир әйтүенчә, Zoom кушымтасындагы дәресләргә Җир шарының теләсә кайсы ноктасында яшәгән кеше кушыла ала.
DIGITALSUPERHERO - «Fintech&Security» масштаблы ИТ-марафонының икенче онлайн-хакатоны инде 1 августта ук башланачак.
«2025 елга кадәрге чорга Россия Федерациясенең региональ үсеш дәүләт сәясәте нигезләрен раслау турында» Россия Федерациясе Президенты Указын гамәлгә ашыру максатыннан Россия Федерациясе субъектларының социаль-икътисадый үсеш потенциалы һәм гражданнарның тормыш дәрәҗәсендәге һәм сыйфатындагы аерманы киметү мәсьәләләре буенча халыкка һәм федераль дәүләт хакимияте органнарына мәгълүмат бирү өчен «Новости России» иҗтимагый мәгълүмат агентлыгы һәм «Экономическая политика России» журналы редакциясе «Новости регионов России» мәгълүмат агентлыгы (https://regioninformburo.ru/) порталында «Россия регионнарының үсеше — дәүләтнең көче!» (https://regioninformburo.ru/category/society/) дип исемләнгән 2020 елга җыелма күзәтү тәкъдим итә.
1 июльдән Татарстан Кулланучылар берлеге идарәсе белән Татарстанның авыл кибетләре һәм автолавкаларда «Татмедиа» АҖ басмаларын сату турында килешү төзелде. «Татмедиа» акционерлык җәмгыяте генераль директоры Шамил Садыйков шулай дип белдерде.
«Татмедиа» акционерлык җәмгыяте басмаларына мониторинг үткәрү нәтиҗәләреннән күренгәнчә, «Сөембикә», «Чаян», «Салават күпере» һәм «Казан утлары» журналларының ваклап сату буенча күрсәткечләре иң яхшысы булган. «Татмедиа» акционерлык җәмгыяте генераль директоры Шамил Садыйков шулай дип белдерде.
Татарстанда яшәүчеләрнең «Татмедиа» бренды астында нәшер ителә торган газета-журналларны 451 сәүдә ноктасында сатып алу мөмкинлеге бар. Сатып алучыларга уңайлы булсын өчен алар Казан метросының алты станциясендә, 130 почта бүлегендә, шулай ук кибетләр, хастаханәләр, шифаханәләр һәм күчмә автолавкаларда тәкъдим ителгән.
2020 елның дүрт аенда «Татмедиа» АҖ газета-журналларын ваклап сату күләме 46 процентка арткан. «Татмедиа» акционерлык җәмгыяте генераль директоры Шамил Садыйков шулай дип белдерде.