Бүгенге көн каһарманнарына багышланган иң яхшы программага журналистлар һәм блогерлар өчен конкурс игълан ителә

2021 елның 25 марты, пәнҗешәмбе

Конкурсны оештыручы – «Бүгенге Россия» халыкара медиа төркеме (https://ria.ru/levitan).

Юрий Левитан исемендәге «Безнең заман каһарманы» конкурсында (бәйге шулай дип атала) катнашу түләүсез, номинацияләрдә беренче урыннарны яулаучыларга  дипломнар һәм 80 мең сум акчалата бүләкләр вәгъдә ителә.

Конкурс ни өчен Левитан исемен йөртә?

Левитан Юрий Борисович (1914 – 1983) – СССР Министрлар Советының Дәүләт телевидение һәм радиотапшырулар комитеты дикторы, СССРның халык артисты. Бөек Ватан сугышы елларында фронт хәлләре турындагы мәгълүмат Юрий Левитан тарафыннан укылган, аның тавышы дошманга каршы көрәш,  батырлык һәм каһарманлык символына әйләнгән.

Конкурс «Бүгенге Россия» халыкара медиа төркеменең башлангычы Совинформбюро төзелүгә 80 ел тулуга багышлана.

Конкурсның предметы – безнең заман каһарманнарына багышланган авторлык тапшырулары, видеоблоклар, интернеттагы аудиоблоклар (подкастлар). Жюри хөкеменә тапшырылган материаллар конкурс темасына туры килергә һәм социаль активлык, актив тормыш позициясе булдыруга, тамашачыларны һәм тыңлаучыларны дөньяны яхшы якка үзгәртеп коруга илһамландырырга тиеш.                                 

Конкурска 2020 елның 1 мартыннан 2021 елның 1маена кадәр дөнья күргән материаллар тапшырыла.

Язманың хронометражы – 30 минутка кадәр.

Җиңүчеләр түбәндәге номинацияләрдә билгеләнә:

-  телевидениедә авторлык программасы

-  радиода авторлык программасы

-  аудиоподкаст

- видеоблог

Гаризалар электрон рәвештә кабул ителә https://ria.ru/levitan/

 

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International