Татарстан Республикасы Ведомстволары "Татмедиа" Республика матбугат һәм массакүләм коммуникацияләр агентлыгы

«Идел» журналына яңа җитәкче килде

2014 елның 25 ноябре, сишәмбе

Кичә “Татмедиа” ширкәте җитәкчесе Фәрит Шаһиәхмәтов «Идел» журналы коллективын яңа җитәкче белән таныштырды. Егерме биш еллык тарихы булган яшьләр басмасының филиал җитәкчесе һәм татар редакциясенең баш мөхәррире итеп Радик Сабиров билгеләнде.

Радик Сабиров Татарстанның Аксубай районының Яңа Узи авылында 1979 елның 17 маенда туган. Казан дәүләт университетының татар филологиясе һәм тарихы факультетын тәмамлаган. Аннан соң озак еллар әлеге уку йортында мөгаллимлек итте. Радикның студентлары аны таләпчән, кешелекле һәм оештыру сәләтенә ия булган педагог буларак бәяли. Ә Intertat.ru укучыларына Радик Сабиров оста спорт журналисты буларак яхшы таныш.

“Үзебезнең күрше редакция егете. Алла боерса, уртак фикергә килеп, килешеп эшләрбез. Радик Сабиров – безнең күптәнге һәм ышанычлы авторыбыз. Универсиадага багышланган рубрика язмаларын “Идел” укучылары көтеп ала торган иде”, - дип җылы каршы алды коллектив яңа җитәкчене.

Радик Сабиров моңарчы “Мәгариф” журналында редактор урынбасары булып эшләде.

Өйләнгән, хатыны Вәсилә белән ике кыз үстерәләр.

Белешмә өчен:

«Идел» — Казанда татар телендә чыгучы журнал. Аңа 1989 елда нигез салына. Беренче мөхәррире – Римзил Вәлиев. Журналның рус телендә «Идель» исемле варианты да басыла.

Intertat.ru

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

ноябрь, 2024 ел

Татарстанда «Геройлар янәшәдә» – «Герои рядом» ачык әдәби-патриотик конкурсы игълан ителде

Конкурс халык арасында традицион рухи-әхлакый кыйммәтләрне үстерү һәм ватанпәрвәрлекне арттыру максатыннан үткәрелә.

ноябрь, 2024 ел

Сәлимгәрәев: «Журналистиканың асылы үзгәрмәде, яңа алымнар гына барлыкка килде»

Журналистиканың төп принциплары вакытлар узу белән генә үзгәрми, бары тик мәгълүматны җиткерү ысулларына һәм рәвешләренә йогынты ясый торган яңа технологияләр барлыкка килә. Казан федераль университетында узган «Практики и педагоги: каким должно быть современное обучение журналистов?» стратегик сессиясендә «Татмедиа» республика матбугат һәм массакүләм коммуникацияләр агентлыгы җитәкчесе Айдар Сәлимгәрәев шулай дип белдерде.

ноябрь, 2024 ел

Массакүләм мәгълүмат чараларында татар дөньясын иң яхшы яктыртуга «Татар рухы һәм каләм» – «Татарский дух и перо» XII гомумроссия конкурсына эшләр кабул итү башланды

«Татмедиа» республика матбугат һәм массакүләм коммуникацияләр агентлыгы журналистлар һәм массакүләм мәгълүмат чаралары өчен татар дөньясын иң яхшы яктыртуга «Татар рухы һәм каләм» – «Татарский дух и перо» гомумроссия конкурсына гаризалар кабул итә башлады.

ИНТЕРНЕТ ЧЕЛТӘРЕНДӘ ТАТАРСТАН РЕСПУБЛИКАСЫ ДӘҮЛӘТ ТЕЛЛӘРЕН ПОПУЛЯРЛАШТЫРУ БУЕНЧА РЕСПУБЛИКА КОНКУРСЫНА ЭШЛӘР КАБУЛ ИТҮ БАШЛАНДЫ

«Татмедиа» республика матбугат һәм массакүләм коммуникацияләр агентлыгы Интернет челтәрендә Татарстан Республикасы дәүләт телләрен популярлаштыруга багышланган конкурста катнашуга гаризалар кабул итә башлады.

ЯҢАЛЫКЛАРГА ЯЗЫЛУ