"Татмедиа" Республика матбугат һәм массакүләм коммуникацияләр агентлыгы

Танылган журналист һәм җәмәгать эшлеклесе “Татмедиа” ААҖ генераль директоры киңәшчесе итеп билгеләнде

2014 елның 25 ноябре, сишәмбе

Танылган журналист һәм җәмәгать эшлеклесе Римзил Вәлиев “Татмедиа” ААҖ генераль директоры Фәрит Шаһиәхмәтовның киңәшчесе итеп билгеләнде. Кичә ул коллективка тәкъдим ителде.
Римзил Вәлиев “Татар-информ” МА на әңгәмәсендә, 1,5 ай элек “Татмедиа” ААҖ җитәкчелегенә милли ММЧ ын үстерү мәсьәләсе белән мөрәҗәгать итүе турында белдерде.
“Миңа агентлык, газеталар җитәкчелеге алдына тиражны, сайтлар укучыларын арттыру бурычын куя, дип җавап бирделәр. Миңа бу җавап ошады. Минем татар милли матбугатын модернизацияләү буенча идеяләрем күп, актив хуплау гына кирәк”, - дип сөйләде Р.Вәлиев. Ә киңәшче булу тәкъдименә шунда ук ризалаштым, диде.
Хәзер Римзил Вәлиев район матбугатын өйрәнә, сайтларны карый, эш алып бару өчен мәгълүмат җыя. “Эш тәҗрибәсе белән уртаклашачакмын. Мин реформалаштыру максатын куймыйм, ә бары тик милли массакүләм мәгълүмат чараларын модернизацияләргә генә ярдәм итәргә телим”, - дип ассызыклады ул.

МА Татар-информ

БАРЛЫК ЯҢАЛЫКЛАРНЫ УКУ