Һиндстан журналистлары Казанга килә
Һиндстан журналистлары «TIME» «Россия - Һиндстан: нәтиҗәле эшчәнлек» форумында катнашу өчен Казанга киләчәк. Алар арасында Һиндстанның Times of India, Asian News International (ANI), Press Trust of India (PTI), The Print, Mathrubhumi Group, Sadhna News, Indian Express кебек әйдәп баручы ММЧ җитәкчеләре көтелә.
Дискуссия кысаларында Россия һәм чит ил экспертлары глобаль үзгәрешләр контекстында БРИКС медиакиңлегенең роле, шулай ук аның үсешендәге яңа тенденцияләр һәм кыйммәтләр турында фикер алышу булачак. Халыкара хезмәттәшлекне һәм тынычлыкны ныгытуның нәтиҗәле коралы буларак,
медиадипломатиягә, шулай ук массакүләм мәгълүмат чараларының һөнәри җаваплылыгы мәсьәләләренә аерым басым ясалачак.
Катнашучылар БРИКС илләренең мәдәни күптөрлелегенә, гореф-гадәтләр, телләр һәм халыклар кыйммәтләре турында фикер алышаак, шулай ук төрле җәмгыятьләрне берләштерергә сәләтле гомуми ориентирлар эзләүгә аерым игътибар бирәчәк. Моннан тыш, халыкара мәгълүмат алмашу мәсьәләләре
һәм перспективалары, аның илләр арасында ышанычны ныгыту һәм үзара аңлашуны тирәнәйтү өчен потенциалы каралачак.
Медиасессия барышында шулай ук Россия медиахолдинглары - Russia Today, TV BRICS һәм ТАСС вәкилләре дә һинд ММЧ белән эшләү тәҗрибәсе белән уртаклашу көтелә.