Сәламәт яшәү рәвешен пропагандалауга юнәлдерелгән социаль реклама конкурсына эшләр кабул итү дәвам итә

Татмедиа» республика матбугат һәм массакүләм коммуникацияләр агентлыгы сәламәт яшәү рәвешен пропагандалауга юнәлдерелгән социаль реклама конкурсын үткәрү турында игълан итә.
Конкурс сәламәт яшәү культурасын булдыру максатыннан үткәрелә.

Гаризалар 2025 елның 8 октябренә кадәр электрон форматта кбул ителә ( konkurs_zozh@mail.ru .) Белешмәләр өчен телефон: 8 (843) 570-31-12.

Конкурс түбәндәге номинацияләрдә үткәрелә:
«Социаль челтәрләргә урнаштыру өчен наркотикларга каршы реклама видеоролигына иң яхшы сценарий» (1 урын – 30 мең, 2 урын – 20 мең сум).
«Наркотикларга каршы һәм /яисә сәламәт яшәү рәвешен пропагандалаучы мем, рәсемнәр сериясе» (1 урын – 30 мең, 2 урын – 20 мең сум).
«Наркотикларга каршы һәм /яисә сәламәт яшәү рәвешен пропагандалаучы иң яхшы текст, шигырь, җыр, канатлы гыйбарә, шигарь» (1 урын – 30 мең, 2 урын – 20 мең, 3 урын – 15 мең сум).
«Сәламәт яшәү рәвешен пропагандалауга өлеш керткән өчен» махсус номинация (1 урын – 30 мең, 2 урын – 25 мең, 3 урын – 20 мең, 4 урын – 15 мең сум).

Катнашырга чакырабыз!