“Татмедиа” республика матбугат һәм массакүләм коммуникацияләр агентлыгы коррупцияне профилактикалау һәм аңа каршы көрәшү мәсьәләләрен Татарстан Республикасы массакүләм мәгълүмат чараларында иң яхшы яктыртуга багышланган “Коррупциягә журналист карашы” республика конкурсына гаризалар кабул итә башлау турында игълан итә.
Конкурсның максаты – массакүләм мәгълүмат чараларының һәм җәмәгатьчелекнең игътибарын коррупция проблемасына җәлеп итү.
Конкурс түбәндәге номинацияләрдә үткәрелә:
«Коррупциягә каршы иң яхшы телесюжетлар сериясе»;
«Коррупциягә каршы иң яхшы радиосюжетлар сериясе»;
«Интернет басмаларда коррупциягә каршы иң яхшы язмалар сериясе»;
«Коррупциягә каршы тематиканы Интернетта социаль челтәрләрдә иҗади чагылдыру» (социаль номинация);
«Коррупциягә каршы иң яхшы журналист тикшеренүе» (махсус бүләк);
«Район ММЧ редакцияләренең муниципаль районнар (шәһәр округлары) җирле үзидарә органнары белән хезмәттәшлеген иҗади тасвирлау».
Конкурста катнашучылардан анкета-гаризалар һәм конкурс эшләре 2022 елның 1 ноябренә кадәр (әлеге датаны да кертеп) түбәндәге адрес буенча кабул ителә:
420066, Татарстан Республикасы, Казан шәһәре, Декабристлар урамы, 2 нче йорт, “Татмедиа” республика матбугат һәм массакүләм коммуникацияләр агентлыгы, 6 кат, кадрлар бүлеге.
Конкурс эшләренә “Коррупцияне профилактикалау һәм аңа каршы көрәшү мәсьәләләрен Татарстан Республикасы массакүләм мәгълүмат чараларында иң яхшы яктыртуга “Коррупциягә журналист карашы” республика конкурсына” дип язылырга тиеш. Белешмәләр өчен телефон: (843) 570 31 10, e-mail: A.Smetanina@tatar.ru.