«Kazan Digital Week – 2022»: эшләр кабул итү вакыты озайтыл
Татарстанда Цифрлаштыру елы кысаларында 21 – 24 сентябрьдә «Казан Экспо» халыкара күргәзмәләр үзәгендә KAZAN DIGITAL WEEK халыкара форумы узачак.
Ул Россия Федерациясенең фәнни-технологик һәм социаль-икътисадый үсешен тоткарлауны күздә тоткан санкцияләргә каршы чыгарлык 2022 елның төп күргәзмәләренең берсенә әверелер дип көтелә.
KDW-2022 тематик юнәлешләре
- Интеллектуаль транспорт системалары;
- Дәүләт идарәсе өлкәсендә цифрла технологияләр;
- Цифрлы индустрия 4.0;
- Яңа заман кибериминлеге;
- Финтех экосистемасы;
- Бизнеска тупланган инновацияләр;
- Сәламәтлек саклауда һәм медицинада цифрлы технологияләр;
- Мәгарифтә цифрлы технологияләр;
- Мәдәнияттә цифрлы технологияләр;
- Авыл хуҗалыгы тармагында цифрлы технологияләр.
Форумда катнашу өчен цифрлы технологияләр, программа белән тәэмин итү һәм югары технологияләр өлкәсендә уйлап табучылар һәм кулланучылар чакырыла.
Фәнни мәкаләләр бастырып чыгару
Мәкаләләр тематик юнәлешләр буенча кабул ителә. Автор мәкаләнең тематикасын күрсәтергә тиеш. Барлык мәкаләләр «Антиплагиат» программасы аша тикшерү уза һәм, мәкалә авторын һәм рецензия язучыны күрсәтмичә, рецензиягә тапшырыла. Эксперт төркеме мәкаләләрне сайлап алганнан соң, алар форум җыентыгында басылып чыгачак.
Фәнни мәкаләләр, шулай ук ВАК һәм РИНЦ журналларында басылып чыгарга мөмкин.
Мәкаләләр 2022 елның 15 августына кадәр org@kazandigitalweek.ru электрон адресына архивлаштырылган (zip) файл рәвешендә кабул ителә. Мәкаләнең исемендә беренче авторның фамилиясе күрсәтелергә тиеш (мәсәлән, Иванов.zip, Smith.zip һ.б.).
Фотографияләр, формулалар, схемалар, графиклар, диаграммалар, яхшы сыйфатта, мәкаләгә кушымта итеп, аерым файл белән җибәрелә.
Спикерларны теркәү
Спикерларның тезисларын кабул итү агымдагы елның 25 августына кадәр дәвам итә. Тезисларның күләме 250 сүздән артмаска тиеш. Тезисларны алган көннән алып 14 көн эчендә спикерларга тезисларны кабул итү йә кабул итүдән баш тарту хакында хәбәр җибәрелә. 31 августка кадәр докладның темасын үзгәртергә, тезисларга үзгәрешләр кертергә һәм катнашу өчен теркәлергә мөмкин.
Тезислары расланган спикерларның презентацияләре 2022 елның 31 августына кадәр кабул ителә. Әлеге датадан соң, индивидуаль тәртиптә, презентацияләрнең яңартылган версияләре генә кабул ителә. Аларны, хат белән бергә, org@kazandigitalweek.ru. электрон адресына җибәрергә кирәк.
Хакатон-ярышларда катнашу
KDW - 2022 әзерләү чорында, август-сентябрь айларында, бөтенроссия Kazan Digital Legends онлайн хакатон-ярышлар сериясе уза. Биредә катнашу өчен программистлар, аналитиклар,data scientists чакырыла. Финал KDW – 2022 көннәрендә булачак.
Күргәзмәдә катнашу
KAZAN DIGITAL WEEK- 2022 халыкара форумы кысаларында «Казан Экспо» халыкара күргәзмәләр үзәге мәйданнарында югары технологияле эшләнмәләр, программа белән тәэмин ителеш, программа-аппарат комплекслары, гамәлдәге техника һәм җайланмалар күргәзмәсе булачак.
Төгәлрәк мәгълүмат рәсми сайтта (https://kazandigitallegends.com) һәм социаль челтәрләрдә басылып чыгачак.