Алтын каләм – Золотое перо» XXVII Республика балалар, яшүсмерләр һәм яшьләр матбугаты фестиваленә старт ала
Гадәттәгечә, фестивальдә 12-20 яшьлек 170 яшь журналист (гомуми һәм урта белем бирү уку йортлары укучылары) катнашачак.
27 ел дәвамында фестивальнең бурычлары булып яшь журналистларны ачыклау, аларга ярдәм итү һәм бүләкләү, һөнәри юнәлеш бирү эше, мәгълүмат кырын үстерү процессына иң сәләтлеләрен җәлеп итү, ике дәүләт телендә (рус һәм татар) эшләүче яшь журналистлар пулын формалаштыру тора. «Алтын каләм – Золотое перо» мәктәбе укучылары – матбугат хезмәтләре, республиканың әйдәп баручы матбугат чаралары, Татарстан һәм Россиянең креатив агентлыкларында эшләүче хезмәткәрләр.
Белем алу һәм медиа өлкәсе белгечләре белән эшләү, газета, подкаст, телетапшыру, шәхси яисә коммерциячел блог булдыру – фестиваль катнашучыларына әнә шундый мөмкинлек бирелә. Гадәттәгечә, бәйгенең төп бүләге – Казан федераль университетының Журналистика һәм медиакоммуникацияләр югары мәктәбендә бушлай уку мөмкинлеге. Финалистларның берсенә «Lingua Like» чит телләр үзәгенә сертификат биреләчәк. Кайсы телне өйрәнәсен җиңүче үзе сайлый.
Фестивальгә гаризалар 25 апрельдән 05 июньгә кадәр кабул ителде.
2022 елда фестиваль 7 юнәлеш буенча узачак: басма журналистика (рус һәм татар телләрендә), телевидение, радио, дизайн һәм версткалау, фотожурналистика, SMM.
Татарстандагы мәгълүмат кырының актуаль көн тәртибеннән чыгып, фестивальнең 5 төп темасы да билгеләнде. Болар:
1. «Мин Россияне булдырам!»;
2. «Авылымның көче. Авыл яшьләрен үстерү территориясе»;
3. «Цифрлы дөнья: Татарстан Республикасында цифрлаштыру елы»;
4. «Бердәмлегебез – күптөрлелек: халык сәнгате һәм Россия халыкларының матди булмаган мәдәни мирасы елы»;
5. «1000 еллык тарихы булган яшь шәһәр: Казан – Ислам хезмәттәшлеге оешмасының Яшьләр башкаласы».
Гадәттәгечә, фестивальнең төп җиңүчеләре – Гран-при ияләре Татарстан Республикасы Президенты Рөстәм Миңнеханов карары нигезендә Казан федераль университетының Журналистика һәм медиакоммуникацияләр югары мәктәбендә Татарстан Республикасы бюджетыннан бүлеп бирелгән грант акчалары исәбеннән белем алу мөмкинлегенә ия булачак.
Моннан тыш, катнашучыларның һәркайсы Татарстан басмаларында һәм яшьләр оешмаларының, муниципаль берәмлекләрнең хакимият органнарының матбугат хезмәтләрендә стажировка узу мөмкинлегенә ия.
Фестивальне оештыручылар: Татарстан Республикасы Яшьләр эшләре министрлыгы, Татарстан Республикасы Журналистлар берлеге, «Татмедиа» Республика матбугат һәм массакүләм коммуникацияләр агентлыгы, Казан федераль университеты, Татарстан Республикасы Мәгариф һәм фән министрлыгы, «Яңа Гасыр» телерадиокомпаниясе.
Фестиваль турында өстәмә мәгълүмат – рәсми төркемдә: https://vk.com/zolotoepero2022.