Татарстан Республикасы эшләүче яшьләренең Х ачык республика телевизион иҗат фестивале башланды
Татарстан Республикасы оешмаларында эшләүче яшьләрнең иҗат потенциалын ачу максатында Татарстан Республикасы Министрлар Кабинеты карары белән «Наше время – Безнең заман» Х ачык республика телевизион иҗат фестивале башланды. Ул Татарстан Республикасы Президенты ярдәме белән уздырыла.
Фестивальне үткәрү дәверендә анда барлыгы төрле тармакларга карый торган һәм оештыру ягыннан төрле милек рәвешләренә ия булган бер меңнән артык оешма катнашкан. Фестиваль яшьләр сәясәте өлкәсендә ЮНЕСКО билгеләгән өстенлекләргә туры килә дип табылган һәм аның эгидасы белән үткәрелә.
Фестивальнең сайлап алу этаплары 2022 елның сентябрь – октябрь айларында Әлмәт, Түбән Кама, Казан һәм Яшел Үзән шәһәрләрендә, суперфинал һәм гала-концерт ноябрьдә Казан шәһәрендә узачак.
Фестиваль турында барлык мәгълүмат Татарстан Республикасы Сәнәгать һәм сәүдә министрлыгының рәсми сайтында һәм Фестиваль сайтында урнаштырылган.
Фестивальдә катнашу өчен 2022 елның 15 сентябренә кадәр Фестиваль сайтында гариза бирергә кирәк. Филиаллары булган предприятиеләрдән (холдинглар) фестивальдә һәр аерым бүлекчәдән аерым команда катнашырга мөмкин. Фестивальдә катнашу өчен оештыру взносы алынмый.