«Татмедиа» республика агентлыгы җитәкчесе Татарстан Республикасы Матбугат көне белән котлады

Сез эшегез һәм һөнәри осталыгыгыз белән республикабыз үсешенә һәм бердәмлекне саклауга зур өлеш кертәсез. Массакүләм мәгълүмат чаралары – хакимият һәм җәмгыять арасындагы диалог мәйданы. Безнең республика медиаөлкәсендә һәрвакыт иҗади, сәләтле, үз эшенә тугры һәм Татарстан, ил язмышына битараф булмаган журналистлар эшләде һәм эшли.
Югары сыйфат, осталык һәм объективлык көндәлек эшегездә сезне һәрвакыт озата барсын. Иҗат ялкыныгыз сүнмәсен, үзенчәлекле геройлар һәм кызыклы темалар гел табылып торсын! Сезгә һәм якыннарыгызга тынычлык, муллык һәм иминлек, ныклы сәламәтлек һәм һөнәри уңышлар телим!