Журналистларны «Фокуста – балачак» конкурсында катнашырга чакыралар
Авыр тормыш хәлендә булган балаларга ярдәм итү фонды «Фокуста – балачак» дип исемләнгән XIII Бөтенроссия журналист эшләре конкурсы уздыра. Аның девизы «Гаилә – минем төп тормыш проекты».
Конкурс традицион гаилә кыйммәтләрен популярлаштыруга, шулай ук гаилә, ата-аналар һәм балачакны яклауга юнәлдерелгән масштаблы мәгълүмати кампаниянең бер өлеше булды.
Конкурсның төп максаты – Россия җәмгыятенең гаилә һәм балалар иминлеге проблемаларын конструктив хәл итүнең актуаль мөмкинлекләре турында хәбәрдарлыгын арттыруга ярдәм итү.
Конкурсны оештыручы – Россия Журналистлар берлеге. Россия региональ ММЧ җитәкчеләре альянсы (АРС-ПРЕСС), «Яшь журналистлар лигасы» Бөтенроссия балалар иҗтимагый оешмасы, «Бумеранг» Балалар медиа берләшмәсе Төбәкара иҗтимагый оешмасы партнерлык ярдәме күрсәтә.
Конкурс 2 этапта үткәрелә:
I этап – региональ (5 майдан 15 июньгә кадәр);
II этап – федераль (24 июньнән 5 августка кадәр).
2022 елда конкурс өчен түбәндәге номинацияләр тәкъдим ителә:
- Күп балалы Россия;
- Чиксез мөмкинлекләр юлы белән;
- Хаталар өстендә эш;
- Плюскә чыгу;
- Яңа форматта ярдәм;
- Мин – ата-ана;
- Ышаныч номеры;
- Искиткеч гаиләләр тормышы.
Конкурс кысаларында федераль, региональ, муниципаль массакүләм мәгълүмат чаралары журналистлары төзегән басма һәм интернет-язмалар, телесюжетлар, радиорепортажлар һәм подкастлар бәяләнә.
Конкурста социаль челтәрләрдә урнаштырылган материалларның авторлары – блогерлар катнаша ала (аудиториясе кимендә 3 000 язылучыны тәшкил иткән).
«Фокуста – балачак» конкурсы турында нигезләмә белән биредә танышырга мөмкин .
Барлык сораулар буенча электрон почта аша мөрәҗәгать итәргә мөмкин kcj_fond@mail.ru.