Мәскәүдә Рөстәм Миңнеханов ТНВ студиясендә булды һәм «Tatarstan Today. Открытый миру» медиапроекты авторы Динә Газалиевага интервью бирде
«Без беркемнән дә качмыйбыз – бүгенге көн, киресенчә, яңа мөмкинлекләр табарга мәҗбүр итә».
Мәскәүдә Рөстәм Миңнеханов ТНВ студиясендә булды һәм «Tatarstan Today. Открытый миру» медиапроекты авторы Динә Газалиевага интервью бирде. Татарстан Президентының студиягә визиты илнең башкаласында ТНВ филиалы ачылуның 22 еллыгына багышланды.
Президент интервьюсында киләчәк юбилей вакыйгалары – Идел буе Болгар дәүләтендә Ислам дине кабул ителүнең 1100 еллыгы чаралары хакында бәян итте, бу вакыйганың мөһимлеген билгеләп үтте, истәлекле датаның халыклар, диннәр арасындагы дуслыкны, татулыкны ныгытудагы әһәмиятен ассызыклады.
Татарстанның алга таба да тышкы багланышларны ислам дәүләтләре белән генә түгел, башкалар белән дә актив рәвештә киңәйтүе, Татарстан Республикасында дини туризмны үстерү перспективалары һәм Президентның Татарстандагы дини гореф-гадәтләргә шәхси мөнәсәбәте хакында «Tatarstan Today. Открытый миру с Диной Газалиевой» тапшыруының яңа чыгарылышында күрсәтеләчәк. Тапшыру 23 апрельдә 19:00 сәгатьтә һәм 25 апрельдә 21:00 сәгатьтә эфирга чыгачак.