Патриотик җырлар бәйгесе игълан ителә
Вокалистлар, хорлар, халык коллективлары, гаилә ансамбльләре һәм һөнәри ансамбльләр үзләренең иҗат җимешен «Татарстан» ДТРК редакциясенә җибәрә ала.
Иң яхшы дип табылган башкаручылар «Смотрим.ру» платформасында, БДТРК телеканаллары һәм радиостанцияләре эфирында булачак 12 сәгатьлек телемарафонда чыгыш ясаячак.
Бәйгедә 10 яшьтән алып 35 яшькә кадәр булган затлар катнаша ала.
Гаризаларга таләпләр:
- видеоязма мөмкин булган төрле ысуллар ярдәмендә яздырылган булырга мөмкин (шул исәптән кәрәзле телефонга)
- гаризаны җибәргәндә катнашучының исемен, фамилиясен, атасының исемен, телефонын, җырның исемен күрсәтергә кирәк. Җырны милли телдә башкарган очракта эчтәлеге хакында кыскача аннотация бирелә.
Гаризалар https://t.me/VestiTatarstan_bot адресы буенча агымдагы елның 29 апреленә кадәр кабул ителә.
Тулырак мәгълүмат : https://trt-tv.ru/news/marafon-festival-s-chego-nachinaetsya-rodina/