Татарстанда басма матбугаттан файдалана алу мөмкинлеге арта бара

Татарстанда басма матбугаттан файдалана алу мөмкинлеге арта бара

Татарстан газета-журналлар, китаплар сатыла торган киосклар саны арта баручы регионнарның берсе булып тора. Бу хакта Басма продукция предприятиеләре берлеге уздырган тикшерү нәтиҗәләрендә билгеләп үтелә.

«Басма матбугат, китаплар сатыла торган киоскларның артуы Волгоград өлкәсендә, Чечен Рспубликасында, Хакасия Рспубликасында, Приморье краенда, Адыгея Республикасында һәм Кабарда-Балкар Республикасында,   Ленинград, Псков, Ульяновск, Кемерово, Сахалин, Брянск өлкәләрендә, Еврей автономияле округында, Оренбург өлкәсендә, Төньяк Осетия Республикасында, Перьм краенда, Татарстан Республикасында күзәтелә. Узган ел Россия Федерациясенең 37 субъектында матбугат сатыла торган киоскларның бик аз булуы теркәлгән иде», – диелә тикшерү материалларында.

Россия Федерациясе федераль округлары арасында иң яхшы күрсәткечләр Үзәк һәм Төньяк-Көнбатыш федераль округларында, аларда 8,8, мең кешегә якынча 1 басма матбугат сату ноктасы туры килә.

Иң начар күрсәткеч Курган өлкәсендә, Камчатка краенда, Ямал-Ненец автономияле округында, Ингуш Республикасында, Мурманск өлкәсендә һәм  Чукотка автономияле округында. Бу регионнарда 100 мең кешегә нибары 1 киоск туры килә.