Ел саен уздырыла торган республика конкурсы энергияне сак тотуны һәм энергетика нәтиҗәлелеген арттыруны халык арасында таратуга багышлана
Казанда 19 – 22 апрель көннәрендә Энергетика һәм энергия ресурслары нәтиҗәлелеге буенча Татарстан халыкара форумы (ТЭФ-2022) узачак. ТЭФ-2022 кысаларында массакүләм мәгълүмат чаралары һәм предприятиеләрнең матбугат хезмәтләре арасында конкурс игълан ителә. Ел саен уздырыла торган республика конкурсы энергияне сак тотуны һәм энергетика нәтиҗәлелеген арттыруны халык арасында таратуга багышлана.
Конкурс энергетика, финанс, хезмәт ресурсларыннан, матди һәм административ ресурслардан нәтиҗәле файдалануны яктыртуга һәм пропагандалауга, эшчәнлекнең барлык төрләрендәге белгечләрнең һәм халыкның нәтиҗәле, сакчыл энергия ресурслары һәм табигатьне саклау буенча Татарстан Республикасында уздырыла торган чаралар белән кызыксынуын арттыруга юнәлдерелгән.
Конкурста авторлар, авторлар коллективы яисә массакүләм мәгълүмат чарасы буларак теркәлгән редакцияләр, матбугат хезмәтләре (җәмәгатьчелек белән элемтә бүлекләре) катнаша ала.
Конкурска 2021 елның 1 гыйнварыннан 31 декабренә кадәр массакүләм мәгълүмат чараларында дөнья күргән яисә гамәлгә ашырылган эшләр кабул ителә. Массакүләм мәгълүмат чараларын һәм предприятиеләрне матбугат хезмәтләрен (җәмәгатьчелек белән элемтә бүлекләрен) конкурста катнашырга чакырабыз.
Конкурс материаллары түбәндәге номинацияләргә кабул ителә:
- Иң яхшы матбугат хезмәте;
- Иң яхшы корпоратив массакүләм мәгълүмат чарасы;
- Энергия нәтиҗәлелеге һәм энергияне сак тоту.
Конкурста җиңгән затларга истәлекле бүләкләр һәм дипломнар тапшырылачак. Бүләкләү тантанасы ТЭФ-2022 форумы кысаларында узачак.
Конкурс Нигезләмәсе Татарстан Республикасы Сәнәгать һәм сәүдә министрлыгының рәсми сайтында урнаштырылган.