«Россияне бел. Эшкуар якташлар» бөтенроссия конкурс-проекты башланды. Конкурс юнәлешләренең берсе – массакүләм мәгълүмат чараларында һәм блогларда эшкуарлар хакындагы мәкаләләр.

Конкурс журналистлар, матбугат хезмәте хезмәткәрләре, яшь корреспондентлар һәм блогерлар арасында үткәрелә. Эшкуарларның элеккеге һәм хәзерге эшчәнлеген һәм аларның Россия Федерациясенең муниципаль берәмлекләрендәге җирле бергәлекләр үсешенә керткән өлешен яктырта торган иң талантлы һәм  актуаль материал авторлары премия белән бүләкләнәчәк.

Конкурска тәкъдим ителгән материаллар чынлыкта булган фактларга һәм вакыйгаларга нигезләнгән булырга тиеш.

Номинацияләр:

- «Басма массакүләм мәгълүмат чараларында иң яхшы мәкалә»;

- «Көненә 3000 артык укучысы булган интернет массакүләм мәгълүмат чараларында, блогларда, социаль челтәрдәге төркемнәрдә иң яхшы мәкалә»;

- «Иң яхшы видео-, радиоматериал»;

- «Иң яхшы яшь корреспондент материалы»;

- «Көненә 3000 кимрәк укучысы булган интернет массакүләм мәгълүмат чараларында, блогларда, социаль челтәрдәге төркемнәрдә иң яхшы мәкалә»;

- «Иң яхшы матбугат хезмәте материалы».

Конкурска гаризалар 2022 елның 1 октябренә кадәр кабул ителә. Конкурска ай саен йомгак ясала.

Конкурс эшен Яндекс-Диск яисә Гугл-Диск аша җибәрергә һәм аңа тиешле сылтаманы күрсәтергә кирәк.

Нигезләмә өчен сылтама.