Суд приставлары федераль хезмәте эшчәнлеген мәгълүмати яктыртуга Бөтенроссия конкурсы башланды
Конкурста катнашу өчен федераль, төбәк, җирле матбугат басмаларында чыккан, федераль, төбәк, җирле радиостанцияләрдә һәм телеканалларда, интернет-басмаларда урнаштырылган фоторепортажларның, радио- һәм телевизион материалларның, мәкаләләрнең авторлары, профессиональ журналистлар чакырыла.
Конкурс түбәндәге номинацияләр буенча ике этапта уздырыла:
«Иң яхшы телесюжет»;
«Иң яхшы радиосюжет»;
«Басма матбугатта иң яхшы материал»;
«Интернет-массакүләм мәгълүмат чараларында иң яхшы материал».
Гран-при (ел журналисты) журналистка карала торган чорда бастырылган, Суд приставлары федераль хезмәте эшчәнлеген һәр яклап һәм объектив яктырткан иң яхшы конкурс эше өчен бирелә.
Конкурста катнашу өчен гариза Россия Федераль суд приставлары хезмәтенең Татарстан Республикасы буенча идарәсенә җибәрелә. Һәр номинациягә аерым гариза рәсмиләштерелә. Конкурста катнашу өчен гаризага конкурс эше дә теркәлә.
Гаризада авторның фамилиясе, исеме, атасының исеме, эш урыны һәм вазыйфасы, электрон почта адресы, элемтә телефоннары, эшенең атамасы, Конкурс номинациясе күрсәтелә.
Телевизион һәм радиоэшләр Конкурска AVI, MPEG (видеоматериаллар) һәм MP3 (радиоматериаллар) рәвешендә, эфир белешмәләрен теркәп, CD яки DVD-чыганакларда тәкъдим ителә. Басма эшләр басманың төп нөсхәсе яисә, бастырып чыгару датасын мәҗбүри күрсәтеп, материалның күчермәсе рәвешендә бирелә. Интернет-массакүләм мәгълүмат чараларында бастырылган мәкаләләр Конкурска бастырып чыгарылган килеш тапшырыла, алар бастырылу датасы белән интернет-биткә сылтамасын күрсәтеп, редакциядә таныкланырга тиеш.
Массакүләм мәгълүмат чараларында татар телендә басылган материаллар, рус теленә тәрҗемә итеп, редакциядә таныклап тапшырыла.
Россия Суд приставлары федераль хезмәтенең Татарстан Республикасы буенча идарәсенең һәм Россия суд приставлары федераль хезмәтенең рәсми сайтларында «Матбугат релизлары» һәм «Яңалыклар» бүлегеннән алып бастырылган эшләр, реклама материаллары каралмый.
Конкурсның беренче һәм икенче этапларында җиңүчеләрне бүләкләү һөнәри бәйрәм – 1 ноябрьдә Суд приставы көненә туры китереләчәк.
Эшләр түбәндәге адрес буенча кабул ителә: 420111, Казан шәһәре, Рөстәм Яхин урамы, 3 йорт, «Матбугат хезмәте өчен» дип тамгаларга кирәк.
Элемтә өчен: 89172654140, Альбина Батыршина, e-mail: press@r16.fssprus.ru
КАТНАШЫРГА ЧАКЫРАБЫЗ!