«Татарстан-24» телеканалында яңа проект – «По просторам Татарстана»
Бу – туган якны өйрәнүгә багышланган телевизион тапшыру. Ике алып баручы Идел һәм Кама буйлап республика буенча сәяхәт итә.
6 декабрьдә «Татарстан-24» телеканалында яңа тапшыру эфирга чыга. Бу – тарихчылар, экспертлар һәм җирле халык, шулай ук ике алып баручы – Лилия Шиһаби һәм Григорий Корнилов катнашындагы телетапшыру. Алар Идел һәм Кама елгалары буйлап республика районнары буенча сәяхәт итә.
Әлеге телепроект республиканың мәдәни-тарихи объектлары белән танышу гына түгел, кайчандыр республикабыз территориясендә яшәгән кешеләр тормышының моңарчы билгеле булмаган фактларын барлау да булачак.
Ике иҗат төркеме берничә ай дәвамында йөзләрчә чактым юл үтеп, Казан, Зөя, Алабуга, Югары Ослан, Чистай, Әлмәт, Кама Тамагы, Тәтеш, Биләр, Бөек Болгар якларында булып, 10 тапшыру әзерләде. Алар Татарстан дигән кыйммәтле муенсаның 10 энҗесенә тиң 10 шәһәргә багышлана.