11 октябрьдә 11.00 сәгатьтә «Татар-информ» мәгълүмат агентлыгында татар телендә матбугат конференциясе үткәрелә, ул «Җәлил укулары» VI халыкара әдәби конкурска багышлана.
Чарада Бөтендөнья татар конгрессы башкарма комитеты җитәкчесе урынбасары Илгиз Халиков, телетапшырулар һәм радиотапшырулар алып баручы, мөхәррир, «Татмедиа» акционер җәмгыяте җитәкчесенең радио белән эшләү буенча урынбасары, «Китап» радиосы баш мөхәррире
Алмаз Миргаязов һәм Бөтендөнья татар конгрессы башкарма комитетының мәгариф һәм мәдәният комитеты әйдәп баручы референты Ләйсән Исхакова катнашачак.
«Татар-информ» мәгълүмат агентлыгы сайтында матбугат конференциясенең онлайн-трансляциясе оештырылачак.
Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә алалар. Шулай ук теләүчеләр сорауларын онлайн-видеога шәрехләүләрдә бирә ала. ММЧ күрсәтү сорала.
ММЧ аккредитацияләү түбәндәге электрон почта аша уза: pr@tatar-inform.ru