Физик культура һәм спорт өлкәсендә илкүләм номинация лауреаты исеменә «Спортивный Парнас» гомумроссия конкурсы үткәрелә
Физик культура һәм спорт өлкәсендә илкүләм номинация лауреаты исеменә
(физик культураны, спортны һәм сәламәт яшәү рәвешен пропагандалауга
өлеш керткән өчен) Россия Федерациясе Спорт министрлыгы тарафыннан
«Спортивный Парнас» гомумроссия конкурсы (илкүләм спорт премиясе)
үткәрелә.
Конкурс түбәндәге максатларны күздә тотып уздырыла:
халыкның киң катламнары арасында физик культура, спорт һәм сәламәт
яшәү рәвешен пропагандалауга зур өлеш керткән журналистларны һәм
массакүләм мәгълүмат чараларын ачыклау һәм аларга ярдәм итү;
медиакиңлектә физик культура һәм спорт кыйммәтләрен, олимпия идеяләрен
күтәреп чыгу;
Россия Федерациясендә физик культураны һәм спортны үстерү
мәсьәләләренә массакүләм мәгълүмат чараларының игътибарын җәлеп итү.
Конкурста катнашучылар – Россия Федерациясе территориясендә теркәлгән
федераль һәм төбәк массакүләм мәгълүмат чаралары, физик культура, спорт
һәм сәламәт яшәү рәвешен пропагандалауга зур өлеш керткән Россия
журналистлары – телевидение, радио, Интернет-басма һәм басма массакүләм
мәгълүмат чаралары хезмәткәрләре, блогерлар.
Конкурс «Иң яхшы журналист» һәм «Иң яхшы басма спорт
медиапродукциясе» категорияләрендә 3 этапта үткәрелә.
1 этапка гаризалар конкурс комиссиясенә 2021 елның 8 октябренә кадәр
тапшырыла. Конкурс комиссиясе тәкъдим ителгән материалларны карый,
конкурска йомгак ясый һәм һәр категориядә «Спортивный Парнас»
бөтенроссия конкурсының физик культура һәм спорт өлкәсендә илкүләм
номинация (илкүләм спорт премиясе) лауреаты исеменә алты кандидатны
билгели.
Конкурс комиссиясе карары беркетмә белән рәсмиләштерелә, беркетмәнең
күчермәсе 2021 елның 22 октябренә кадәр электрон гавами тавыш бирүне
үткәрү өчен җаваплы затның адресына җибәрелә.
2 этап электрон гавами тавыш бирү юлы белән 1 ноябрьгә кадәр үткәрелә.
Гавами тавыш бирү нәтиҗәләре буенча һәр категориядә беренче этапта
җиңүчеләр арасыннан лауреат исеменә өчәр кандидат билгеләнә.
Конкурсның 3 этабында физик культура һәм спорт өлкәсендә илкүләм
номинация лауреатларын билгеләү буенча Экспертлар советы әгъзалары һәр
номинация буенча, гавами тавыш бирү нәтиҗәләренә таянып, лауреат
исеменә кандидатларны карый. Экспертлар советы әгъзаларының тавыш
бирү нәтиҗәләре буенча иң күп тавыш җыйган кандидат лауреат дип таныла.
Лауреатларны бүләкләү тантанасын үткәрү вакыты һәм урыны ел саен Россия
Спорт министрлыгы тарафыннан билгеләнә.
Конкурс нигезләмәсе белән тулырак сылтама буенча танышырга мөмкин.