28 сентябрьдә, 10.00 сәгатьтә «Татар-информ» мәгълүмат агентлыгында Татарстан Республикасы Фәннәр Академиясе оешуга 30 ел булуга һәм Татар энциклопедиясе һәм туган якны өйрәнү институты ирешкән уңышларга багышланган матбугат конференциясе була. Ул татар телендә оештырыла
28 сентябрьдә, 10.00 сәгатьтә «Татар-информ» мәгълүмат агентлыгында Татарстан Республикасы Фәннәр Академиясе оешуга 30 ел булуга һәм Татар энциклопедиясе һәм туган якны өйрәнү институты ирешкән уңышларга багышланган матбугат конференциясе була. Ул татар телендә оештырыла.
Чарада Татарстан Республикасы Фәннәр Академиясенең Татар энциклопедиясе һәм туган якны өйрәнү институты директоры Искәндәр Гыйләҗев, институтның директор урынбасары Фәрит Ялалов, Энциклопедия үзәге мөдире, тарих фәннәре докторы, профессор Рафаэль Шәйдуллин һәм социомәдәни тикшеренүләр үзәге мөдире Лариса Айнетдинова катнаша.
«Татар-информ» мәгълүмат агентлыгы сайтының татарча битендә матбугат конференциясенең онлайн-трансляциясе оештырылачак.
Массакүләм мәгълүмат чаралары вәкилләренең һәм барлык теләүчеләрнең сорауларны WhatsApp мессенджерында + 7 (927) 037-91-10 номерына һәм pr@tatar-inform.ru электрон адресына җибәрүләрен сорыйбыз. Сорауларны шулай ук онлайн-видеога шәрехләүләрдә дә бирергә мөмкин булачак. ММЧ күрсәтүне үтенәбез.
ММЧ аккредитацияләү pr@tatar-inform электрон почта адресы буенча булачак.