Интернет-массакүләм мәгълүмат чаралары өчен республика журналист конкурсында җиңүчеләрне бүләкләү
24 сентябрьдә Казанда «Милләт җыены-2021» кысаларында татар матбугатына багышланган түгәрәк өстәл кысаларында «Теле барның юлы бар» - «Знание языка открывает возможности» Интернет-массакүләм мәгълүмат чаралары өчен республика журналист конкурсы җиңүчеләре бүләкләнде.
Конкурсны оештыручы – «Татмедиа» матбугат һәм массакүләм коммуникацияләр агентлыгы.
Конкурс «2014 - 2022 елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасы кысаларында Интернет челтәрендә проектларны үстерүче массакүләм мәгълүмат чаралары журналистларын һәм редакцияләрен ачыклау, бүләкләү максатыннан уздырыла.
2021 елда конкурска төрле массакүләм мәгълүмат чараларыннан 47 гариза килде. Гомуми премия фонды - 140 000 сум.
«Иң яхшы Интернет-ММЧ проекты» номинациясендә җиңүчеләр дип түбәндәге редакцияләр игълан ителде:
1 урын – «Салават күпере» журналы;
2 урын – «Ялкын» журналы;
3 урын – «Сувар» газетасы
Җиңүчеләрне котлыйбыз!