16 сентябрьдә, 10.00 сәгатьтә “Татар-информ” мәгълүмат агентлыгында Татарстан Республикасы авылларында “Мөмкинлекләр чоры” яшьләр туры йомгаклары буенча матбугат конференциясе узачак
16 сентябрьдә, 10.00 сәгатьтә “Татар-информ” мәгълүмат агентлыгында Татарстан Республикасы авылларында “Мөмкинлекләр чоры” яшьләр туры йомгаклары буенча матбугат конференциясе узачак.
Чарада Татарстан Республикасы Президенты Аппараты Җитәкчесе урынбасары – Татарстан Республикасы Президентының Эчке сәясәт мәсьәләләре департаменты җитәкчесе Терентьев Александр Михайлович, Татарстан Республикасы яшьләр эшләре министры Сөләйманов Тимур Җәүдәт улы, “Татарстан Республикасы Аграр яшьләр берләшмәсе” ТИО рәисе Шувалова Диләрә Даниял кызы, Татарстан Республикасы Авыл хуҗалыгы һәм азык-төлек министрлыгы вәкиле катнаша.
Быел яшьләр туры беренче мәртәбә Татарстан Республикасы авылларында узды. 22 августтан 10 сентябрьгә кадәр 100 авыл җирлегеннән яшьләр авыл территорияләрен үстерү командаларына берләште, республика районнарында яшьләр сәясәтен комплекслы үстерү стратегиясен эшләде. Исегезгә төшерәбез, 2019 елда Татарстан Республикасы Президенты Рөстәм Миңнеханов ярдәме белән Татарстан Республикасы Яшьләр эшләре министрлыгы тарафыннан беренче тапкыр «Автобус 14.30» республика роуд-туры уздырылган иде, ә 2020 елда «Автобус. Яшьләр чоры " акциясе оештырылды. Республика акциясе ел саен Татарстан Республикасының барлык муниципалитетларында уздырыла. Акция яшьләргә актуаль мәсьәләләр һәм аларны хәл итү механизмнары турында ачык фикер алышу өчен уникаль мәйданчык булды.
«Татар-информ» мәгълүмат агентлыгы сайтында матбугат конференциясенең онлайн-трансляциясе оештырылачак.
Массакүләм мәгълүмат чаралары вәкилләренең һәм барлык теләүчеләрнең сорауларны WhatsApp мессенджерында + 7 (927) 037-91-10 номерына һәм pr@tatar-inform.ru электрон адресына җибәрүләрен сорыйбыз. Сорауларны шулай ук онлайн-видеога шәрехләүләрдә дә бирергә мөмкин булачак. ММЧ күрсәтүне үтенәбез.
ММЧ аккредитацияләү pr@tatar-inform электрон почта адресы буенча булачак.