Россиянең Милләтләр эшләре буенча федераль агентлыгы «Рус цивилизациясе» V халыкара фотоконкурсы башлану хакында игълан итә
Россиянең Милләтләр эшләре буенча федераль агентлыгы «Рус цивилизациясе» V халыкара фотоконкурсы башлану хакында игълан итә
Милләтләр эшләре буенча федераль агентлык “Рус цивилизациясе” V Халыкара фотоконкурсының башлануы турында игълан итә.
Россиядә генә түгел, бөтен дөньяда яшәүче фотографларны берләштерүче чараның популярлыгы арта бара. 2017 елда, чара беренче тапкыр үткәрелгән вакытта, конкурска 28 илдән 1,8 мең кешенең 10 мең фотосы килгән булса, 2021 елда фотобәйгедә дөньяның 74 иленнән 5 меңнән артык кеше катнашкан, алар 19,6 мең фотоэш җибәргән.
2021 елның 5 сентябреннән башлап Россиянең төрле почмакларыннан, чит илләрдән профессиональ фотографлар һәм һәвәскәрләр үзләре төшергән фоторәсемнәрне фотобәйгенең рәсми порталына урнаштыра ала. Конкурста 18 яшьтән өлкәнрәк булган затлар катнаша.
Һәр катнашучы Россия халыклары мәдәниятенең һәм традицияләренең күптөрлелеге чагылыш тапкан 5 фото (иң күбе) җибәрә ала. Алар «Уникаль табигать», «Йөзләр һәм буыннар», «Ил традицияләре», «Архитектура һәм скульптура», «Күпмилләтле Мәскәү» номинацияләрендә каралачак. Эшләр соңгы 5 елда төшерелгән булырга тиеш.
Конкурс эшләре 2021 елның 5 октябренә кадәр кабул ителә.
Җиңүчеләрне бүләкләү тантанасы Мәскәү шәһәрендә булачак. Иң яхшы эшләрне, традиция буенча, башкала урамнарында күрергә мөмкин булачак.