7 сентябрьдә, 12.00 дә «Татар-информ» мәгълүмат агентлыгында XXXI татар яшьләре көннәренә багышланган матбугат конференциясе була

7 сентябрьдә, 12.00 сәгатьтә “Татар-информ” мәгълүмат агентлыгында татар телендә Татар яшьләре көненә багышланган матбугат конференциясе узачак.

Чарада Россия Федерациясе Дәүләт Думасы депутаты, Федераль татар милли-мәдәни мохтарияте советы рәисе Ирек Гыйльметдинов, Татарстан Республикасы яшьләр эшләре министрының беренче урынбасары Тимур Сөләйманов, Татар милли-мәдәни мохтарияте башкарма директоры Миләүшә Шәрәпова, «Идел» яшьләр үзәге дәүләт бюджет мәгариф учреждениесе директоры Зөлфия Ибләминова катнашачак.
2021 елның 14 – 18 сентябрендә Татарстан Республикасы Яшьләр эшләре министрлыгы, Федераль татар милли-мәдәни мохтарияте, “Идел” яшьләр үзәге 31 нче тапкыр Татар яшьләре көннәре (Тяк) үткәрә.
Программада  –  берләшмәләрдә эшләү, төрле мәдәни программа, вокал, кул эшләре, журналистика, тарих буенча мастер-класслар, татар теле дәресләре һ.б.  Татар яшьләре көннәре делегатлары үз проектларын тәкъдим итәчәк, фикердәшләре белән тәҗрибә уртаклашачак, Татар яшьләре көне лидерын сайлаячак.
«Татар-информ» мәгълүмат агентлыгы сайтының татар версиясендә матбугат конференциясенең онлайн-трансляциясе оештырылачак.

Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә алалар. Шулай ук теләүчеләр сорауларын онлайн-видеога шәрехләүләрдә бирә ала. ММЧ күрсәтү сорала.

ММЧ аккредитацияләү түбәндәге электрон почта аша уза: pr@tatar-inform.ru