Капремонт датасын телеграм-бот ярдәмендә белеп була
Капремонт датасын телеграм-бот ярдәмендә белеп була
“Татмедиа” республика матбугат һәм массакүләм коммуникацияләр агентлыгы Татарстан Республикасы төзелеш министрлыгы белән берлектә «Капиталь ремонт» телеграм-ботын гамәлгә куйды.
Бот-чат Telegram мессенджерында эшли. Аны https://t.me/kapremont_rt_bot сылтамасы белән яисә телеграмда @kapremont_rt_bot адресын җыеп табарга була.
Чатка кергәннән соң адресны җыярга кирәк: казанлылар өчен – урам исемен һәм йорт номерын, башка шәһәрләрдә яшәүчеләр өчен – шәһәр, урам исемнәрен һәм йорт номерын. Йорт капиталь ремонт программасына кертелгән булса, ремонтка кагылышлы барлык мәгълүмат пәйда булачак.
Мәсәлән, Зеленодольск шәһәрендә Гоголь урамының 33 йортында 2024 елда йортның түбәсе ремонтланачак, 2033 елда исә – өй эчендәге инженерлык челтәрләренә һәм электр челтәрләренә ремонт ясалачак, подвал һәм фасад төзекләндереләчәк.