“Крутушка” XII Халыкара этник фестивален үткәрүгә багышланган матбугат конференциясе була
23 августта, 13.00 сәгатьтә “Татар-информ” мәгълүмат агентлыгында “Крутушка” XII Халыкара этник фестивален үткәрүгә багышланган матбугат конференциясе була.
Чарада Татарстан Республикасы мәдәният министры урынбасары Дамир Натфуллин, «Крутушка» халыкара этник фестиваленең оештыру комитеты рәисе Лариса Бикмуллина, «Крутушка» халыкара этник фестиваленең программа директоры Динә Башкирова һәм осталар ярминкәсе кураторы Дамир Насыйров катнашачак.
XII Халыкара «Крутушка» этник фестивале 2021 елның 28-29августында Крутушка бистәсендә «Байтик» савыктыру-белем бирү комплексы территориясендә узачак.
Уникенче тапкыр бирегә музыкантлар, фольклор-этнографик коллективлар, мәдәният белгечләре һәм тамашачылар – Россия һәм дөнья халыклары мәдәнияте мирасын бәяләүчеләр җыелачак.
«Татар-информ» мәгълүмат агентлыгы сайтында матбугат конференциясенең онлайн-трансляция оештырылачак.
Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә ала.Шулай ук теләүчеләр сорауларын онлайн-видеога комментарийларда бирә ала. ММЧ күрсәтү сорала.
ММЧ аккредитацияләү түбәндәге электрон почта аша уза: pr@tatar-inform.ru.