Туган телләр һәм халыклар бердәмлеге елы кысаларында «#ӘДӘБИСАНТУЕ – 2021» үткәрүгә багышланган матбугат конференциясе була
23 августта, 11:00 сәгатьтә “Татар-информ” мәгълүмат агентлыгында татар телендә Туган телләр һәм халыклар бердәмлеге елы кысаларында «#ӘДӘБИСАНТУЕ – 2021» үткәрүгә багышланган матбугат конференциясе була.
Чарада Татарстан Республикасы мәдәният министры урынбасары Ленар Хәкимҗанов, шагыйрь һәм фәннәр докторы, профессор, Татарстан Республикасы Язучылар берлеге әгъзасы Рифат Корбанов, "Татнетны үстерү фонды" коммерцияле булмаган оешмасы башкарма директоры Раил Гатауллин һәм Татарстан Язучылар берлегенең татар әдәбияты буенча консультанты Марат Закир катнаша.
2021 елның 27 августында Арча шәһәре Үзәк стадионында Татарстан Республикасында Туган телләр һәм халыклар бердәмлеге елына һәм халыклар дуслыгына багышлап, Габдулла Тукай бәйрәменә 135 ел тулу уңаеннан Татарстан Республикасы Президенты каршындагы Татар телен саклау һәм үстерү комиссиясе ярдәмендә әдәби чара уздырыла.
«Татар-информ» мәгълүмат агентлыгы сайтының татар версиясендә матбугат конференциясе оештырылачак.
Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә ала.Шулай ук теләүчеләр сорауларын онлайн-видеога комментарийларда бирә ала. ММЧ күрсәтү сорала.
ММЧ аккредитацияләү түбәндәге электрон почта аша уза: pr@tatar-inform.ru.