"Ел инженеры” республика конкурсына багышланган матбугат конференциясе
19 августта 13.00 сәгатьтә “Татар-информ” мәгълүмат агентлыгында “Ел инженеры” республика конкурсына багышланган матбугат конференциясе узачак.
Чарада Татарстан Республикасы сәнәгать министры урынбасары Родион Карпов, КНИТУ ректоры вазыйфаларын башкаручы Юрий Казаков, “Татарстан Республикасы предприятиеләре һәм оешмалары яшьләре берлеге” төбәк иҗтимагый оешмасы Советы рәисе Айдар Сәгетдинов һәм “Ел инженеры-2019” конкурсында катнашучы Рөстәм Мөхәммәтрәхимов катнашачак.
«Ел инженеры» конкурсы Татарстан Республикасы Президенты Р.Н. Миңнеханов йөкләмәсе буенча гамәлгә куелган һәм инженер һәм эшче һөнәрләрен массакүләм популярлаштыруга, шулай ук регион икътисадының төп тармакларын инженер-техник персонал белән тәэмин итүгә юнәлдерелгән.
Конкурс өч категориядә уздырыла:
● «Булачак инженерлар» - инженер белгечлекләре студентлары;
● «Яшьлек, уңыш, перспектива» - 35яшькә кадәрге инженерлар;
● «Тәҗрибә, казанышлар, компетентлык» - 35 яшьтән өлкәнрәк инженерлар.
«Татар-информ» мәгълүмат агентлыгы сайтында матбугат конференциясенең онлайн-трансляция оештырылачак.
Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә ала.Шулай ук теләүчеләр сорауларын онлайн-видеога комментарийларда бирә ала. ММЧ күрсәтү сорала.
ММЧ аккредитацияләү түбәндәге электрон почта аша уза: pr@tatar-inform.ru.