Татарстан нефть, газ химиясе форумына багышланган матбугат конференциясе узачак

19 августта 11.00 сәгатьтә “Татар-информ” мәгълүмат агентлыгында Татарстан нефть, газ химиясе форумына багышланган матбугат конференциясе узачак.

Чарада Татарстан Республикасы сәнәгать министры урынбасары Алексей Савельчев катнашачак.

2021 елның 31 августыннан 2 сентябренә кадәр Казанда Россия нефть-газ тармагының иң зур халыкара чараларыннан берсе –Татарстан нефть, газ химиясе форумы узачак.
 Быел бу чара Фән һәм технологияләр елына багышланган.
Форум Россия Федерациясе Сәнәгать һәм сәүдә министрлыгы, Россия Федерациясе Табигать ресурслары һәм экология министрлыгы, Татарстан Республикасы Президенты һәм Татарстан Республикасы Хөкүмәте ярдәмендә уздырыла.

«Татар-информ» мәгълүмат агентлыгы сайтында матбугат конференциясенең  онлайн-трансляция оештырылачак.

Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә ала.Шулай ук теләүчеләр сорауларын онлайн-видеога комментарийларда бирә ала. ММЧ күрсәтү сорала.
ММЧ аккредитацияләү түбәндәге электрон почта аша уза: pr@tatar-inform.ru.