«Кайтам» бөтенроссия белем бирү форумына багышланган матбугат конференциясе узачак
18 августта, 11.00 сәгатьтә “Татар-информ” мәгълүмат агентлыгында “Кайтам” бөтенроссия белем бирү форумына багышланган матбугат конференциясе була.
Чарада Татарстан Республикасы авыл хуҗалыгы һәм азык-төлек министры урынбасары Марсель Мәхмүтов, Татарстан Республикасы яшьләр эшләре буенча министр урынбасары Ренат Садыйков, Казан дәүләт аграр университеты федераль дәүләт бюджет мәгариф учреждениесе ректоры Айрат Вәлиев, һ.б катнашачак.
Чара 12-16 сентябрьдә Лаеш районында «Йолдызлы» укыту һәм сәламәтләндерү үзәгендә узачак.
«Кайтам» белем бирү программасының максаты – булачак белгечләрне авыл хуҗалыгы предприятиеләренә җәлеп итү, аларны авыл хуҗалыгы предприятиеләренең эше белән таныштыру.
Катнашучылар бер җитештерү яки азык-төлек темасына берләштерелгән бергәлекләрдә – тематик "авылларда" укыячак.
Проектта Россия һәм Татарстан агросәнәгать комплексы базарларында катнашучылар тәкъдим иткән реаль кейслар гамәлгә ашырылачак.
Программа йомгаклары буенча һәр катнашучыга һөнәри үсеш стратегиясе эшләнәчәк.
«Татар-информ» мәгълүмат агентлыгы сайтында матбугат конференциясенең онлайн-трансляция оештырылачак.
Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә ала.Шулай ук теләүчеләр сорауларын онлайн-видеога комментарийларда бирә ала. ММЧ күрсәтү сорала.
ММЧ аккредитацияләү түбәндәге электрон почта аша уза: pr@tatar-inform.ru.