Казан рәссам-каллиграфы Гөлназ Исмәгыйлеваның “Традиция белән берлектә” күргәзмәсен ачуга багышланган матбугат конференциясе була
18 августта, 13.00 сәгатьтә “Татар-информ” мәгълүмат агентлыгында татар телендә Казан рәссам-каллиграфы Гөлназ Исмәгыйлеваның “Традиция белән берлектә” күргәзмәсен ачуга багышланган матбугат конференциясе була.
Чарада «Казан Кремле» музей-тыюлыгының Ислам мәдәнияте музее мөдире Илнур Низамиев, ТР атказанган сәнгать эшлеклесе, Б.Урманче премиясе лауреаты, «Татар шамаилендә сүз һәм сурәт: үткәннән бүгенгегә» китабы авторы Рөстәм Шәмсүтов һәм Россия Рәссамнар берлеге әгъзасы, Россия Рәссамнар берлегенең Татарстан бүлеге идарәсе әгъзасы, каллиграф Гөлназ Исмәгыйлева-Гатиатуллина катнаша.
2021 елның 20 августында 14:00 сәгатьтә Ислам мәдәнияте музеенда «Традицияләр белән берлектә» күргәзмәсе ачылачак.
Күргәзмә Казан рәссам-каллиграфы Гөлназ Исмәгыйлева-Гатиатуллинаның иҗатына багышланган. Автор – Россия Рәссамнар берлеге һәм Татарстан Республикасы Һөнәрчеләр палатасы әгъзасы, Казан, Мәскәү, Санкт-Петербург, АКШ, Төркия, Алжир, Һиндстан, Үзбәкстан һәм Иранда 50дән артык күргәзмә катнашучысы.
Күргәзмәдә 2013-2021елларда эшләнгән 40 эш тәкъдим ителә.
Бу – график композицияләр: тугра, шамаил, каллиграфик панно һәм башкалар.
«Татар-информ» мәгълүмат агентлыгы сайтының татар версиясендә матбугат конференциясе оештырылачак.
Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә ала.Шулай ук теләүчеләр сорауларын онлайн-видеога комментарийларда бирә ала. ММЧ күрсәтү сорала.
ММЧ аккредитацияләү түбәндәге электрон почта аша уза: pr@tatar-inform.ru.