“Созвездие-Йолдызлык” һәм “Наше время - Безнең заман” фестивальләренә багышланган матбугат конференциясе була
16 августта, 11.00 сәгатьтә “Татар-информ” мәгълүмат агентлыгында “Созвездие-Йолдызлык” һәм “Наше время - Безнең заман” фестивальләренең Татарстан Республикасының эре шәһәрләрендә һәм авыл мәдәният йортларында Туган телләр һәм халыклар бердәмлеге елына багышлап уздырыла торган гастроль турына багышланган татар һәм рус телләрендә матбугат конференциясе була.
Чарада Татарстан Республикасы Президенты каршындагы Мәдәниятне үстерүгә ярдәм фонды башкарма директоры Нурия Һашимова, Татарстан Республикасы яшьләр эшләре министрлыгының проектларны һәм инициативаларын яклау бүлеге башлыгы Динар Хафизов һәм “Созвездие-Йолдызлык” һәм “Наше время - Безнең заман” фестиваль хәрәкәтләренең генераль продюсеры Дмитрий Туманов катнашачак.
Татарстан Республикасы Президенты йөкләмәсе буенча агымдагы елның 4–18 сентябрендә Татарстан Республикасы шәһәрләрендә һәм районнарында «Созвездие-Йолдызлык» һәм «Наше время – Безнең заман» фестивальләренең гастрольләре узачак.
Фестивальләр лауреатлары һәм җиңүчеләре шәһәр һәм авыл сәхнәләрендә түләүсез концертлар күрсәтәчәк.
«Татар-информ» мәгълүмат агентлыгы сайтында матбугат конференциясенең онлайн-трансляция оештырылачак.
Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә ала.Шулай ук теләүчеләр сорауларын онлайн-видеога комментарийларда бирә ала. ММЧ күрсәтү сорала.
ММЧ аккредитацияләү түбәндәге электрон почта аша уза: pr@tatar-inform.ru