“Манзара” җәйге спорт-музыка премиясенә багышланган матбугат конференциясе була
12 августта, 13.00 сәгатьтә “Татар-информ” мәгълүмат агентлыгында татар телендә “Манзара” җәйге спорт-музыка премиясенә багышланган матбугат конференциясе була.
Чарада “Манзара” проекты җитәкчесе, продюсер Айдар Шәймәрданов, “Манзара” премиясе ярышларының баш хөкемдары Фәрит Шәйхетдинов, көрәшчеләр һәм артистлар белән эшләү буенча җитәкче Данияр Вәлиев һәм К.Тинчурин исемендәге драма һәм комедия театры артисты Илфак Хафизов катнашачак.
«Манзара» җәйге спорт һәм музыка премиясе 2021 елның 29 августында Казанда «Ак Барс» көрәш сараенда (Фатыйх Әмирхан ур., 1Г.) үткәрелә.
«Манзара» - мәдәнияткә һәм спортка багышланган проект. Биредә кабатланмас программа һәм иң яхшы спортчылар чыгышы көтелә.
«Татар-информ» мәгълүмат агентлыгы сайтының татар версиясендә матбугат конференциясенең онлайн трансляциясе оештырылачак.
Массакүләм мәгълүмат чаралары вәкилләре һәм барлык теләүчеләр үзләренең сорауларын WhatsApp мессенджерында +7 (927) 037-91-10 номерына һәм pr@tatar-inform.ru электрон адресына алдан җибәрә ала. Шулай ук теләүчеләр сорауларын онлайн-видеога комментарийларда бирә ала. ММЧ күрсәтү сорала.
ММЧ аккредитацияләү түбәндәге электрон почта аша уза: pr@tatar-inform.ru.