«Татар-информ» мәгълүмат агентлыгында Физкультурачылар көненә багышланган матбугат конференциясе була
10 августта, 13.00 сәгатьтә “Татар-информ” мәгълүмат агентлыгында Физкультурачылар көненә багышланган матбугат конференциясе узачак.
Чарада Казан шәһәренең Физик культура һәм спорт комитеты рәисе Альберт Салихов, Казан шәһәренең Физик культура һәм спорт комитетының спорт чаралары үткәрү бүлеге башлыгы Дмитрий Кочкин һәм Татарстан Республикасының “ГТО” төбәк иҗтимагый оешмасы рәисе урынбасары Артур Сабитов катнашачак.
Физкультурачылар көне – физкультура укытучыларының һөнәри бәйрәме.
Тантаналарда спортка кагылышы булган бөтен кеше: тренерлар, профильле уку йортлары студентлары һәм аларны тәмамлаучылар, сәламәт яшәү рәвеше алып баручы кешеләр катнаша.
Россиядә 2021 елда Физкультурачылар көне августның икенче шимбәсендә бәйрәм ителә һәм 14 августка туры килә. Тантана рәсми дәрәҗәдә 41 тапкыр уздырыла.