11 августта, 14 сәгатьтә «ТАТМЕДИА» АҖ бинасы янында, «Әдәби кафе» ның җәйге верандасында әлеге яңа басмаларны тәкъдим итү чарасы узачак.

2021 елның 10 августы, сишәмбе

Күптән түгел Татарстан китап нәшриятында яшь татар авторлары — Алмаз Мансуров, Лилия Гыйбадуллина, Булат Ибраһимов, Гөлназ Газизова, Ләйлә Хәбибуллинаның уникаль шигырь китаплары басылып чыкты. Бәләкәй китаплар сериясенә караган әлеге җыентыкларда яшь авторларның моңарчы бер китапта да басылмаган иҗат үрнәкләре урын алды. 11 августта, 14 сәгатьтә «ТАТМЕДИА» АҖ бинасы янында, «Әдәби кафе» ның җәйге верандасында әлеге яңа басмаларны тәкъдим итү чарасы узачак. Чараның программасында авторлар белән танышу, шигырьләр уку, махсус акцияләр, музыкаль чыгышлар көтелә.