5 августта «Я выбираю небо!» авиация бәйрәменә багышланган матбугат конференциясе була
5 августта, 17.00 сәгатьтә «Татар-информ» мәгълүмат агентлыгында «Я выбираю небо!» авиация бәйрәменә багышланган матбугат конференциясе була.
Чарада ТР сәнәгать һәм сәүдә министры урынбасары Иван Колчин, полковник, «Казан ярминкәсе» генераль директоры урынбасары Любовь Ахманаева, «Я выбираю небо!» авиация бәйрәменең очышлар җитәкчесе Дмитрий Волошин, "Стрижи" авиация төркеме командиры Сергей Осяйкин, спортчы Вячеслав Колотовкин һәм танк училищесы майоры Ринат Шәрипов катнаша.
Исегегә төшерәбез, агымдагы елның 7 августында Казансу буендагы «Казан» гаилә үзәге тирәсендә Россиянең һава флоты көненә багышланган «Я выбираю небо!» авиация бәйрәме оештырыла. Әлеге бәйрәм халык арасында инженер-техник һөнәрләрнең, авиациянең абруен арттыру, яшьләрне авиация тармагына җәлеп итү, бу тармак хезмәткәрләренең һөнәри бәйрәмен билгеләп үтү өчен оештырыла.
Программада 20гә якын очкыч, шул исәптән Россия Федерациясе Оборона министрлыгы, граждан һәм эксперименталь авиация, һ.б. очкычлары катнаша, шулай ук "Стрижи" авиация төркеме дә чакырылган.
«Татар-информ» мәгълүмат агентлыгы сайтында матбугат конференциясенең турыдан-туры трансляциясе оештырылачак.
ММЧ вәкилләре һәм барлык теләүчеләр сорауларны +7 (927) 037-91-10 номерына (WhatsApp мессенджеры) һәм электрон адреска (pr@tatar-inform.ru) җибәрә ала, шулай ук сорауларны онлайн-видеога комментарийларда бирергә мөмкин. ММЧны күрсәтү сорала.
ММЧ аккредитацияләү электрон почта аша уза: pr@tatar-inform.ru