Кулланучылар хокукларын яклауны иң яхшы яктыртуга республика конкурсы башлана
Татарстан Республикасының Этил спирты, алкогольле продукция җитештерүгә, аларның әйләнешенә һәм сыйфатына дәүләт контролен тәэмин итү һәм кулланучыларның хокукларын яклау буенча Татарстан Республикасы дәүләт инспекциясе, «Татмедиа» республика матбугат һәм массакүләм коммуникацияләр агентлыгы, Татарстан Республикасы Журналистлар берлеге хокукларын яклау темасын иң яхшы яктырту буенча республика конкурсы (алга таба-Конкурс) оештыра. Конкурс агымдагы елның 1 августыннан 18 ноябренә кадәр дәвам итә. Конкурс массакүләм мәгълүмат чараларын кулланучылар хокукларын яклау мәсьәләләрен киң яктыртуга җәлеп итү максатыннан үткәрелә.
Конкурсның төп бурычлары: кулланучылар хокукларын яклау мәсьәләләрен пропагандалауга зур өлеш керткән журналистларның иҗади активлыгын бүләкләү; массакүләм мәгълүмат чараларында кулланучылар хокукларын яклау мәсьәләләрен яктырту ысулларын һәм рәвешләрен камилләштерү; республика гражданнарына кулланучылар хокукларын яклау мәсьәләләренә кагылышлы мәгълүмат бирү.
Конкурс түбәндәге номинацияләр буенча үткәрелә, аларның һәркайсында җиңүче билгеләнә:
«Басма массакүләм мәгълүмат чараларында Татарстан Республикасында кулланучылар хокукларын яклау темасын яктырту буенча иң яхшы мәкалә»;
«Татарстан Республикасында гражданнарның кулланучы гыйлемен арттыру буенча иң яхшы массакүләм мәгълүмат чарасы редакциясе»;
«Татарстан Республикасында кулланучылар хокукларын яклау темасын яктыртучы иң яхшы интернет-басма»;
«Татарстан Республикасында кулланучылар хокукларын яклау темасын яктыртучы иң яхшы телесюжет (яки телетапшыру)»;
«Татарстан Республикасында кулланучылар хокукларын яклау темасын яктыртучы иң яхшы радиосюжет (радиотапшыру)».
Конкурста Татарстан Республикасы территориясендә эшчәнлек алып баручы ММЧ редакцияләре, аерым авторлар, юридик затлар катнаша ала.
Конкурска түбәндәге эшләр кабул ителә::
- МР4 форматында һәм (яки) күчереп алу өчен актив сылтама белән CD - яки DVD-дискта һәм (яки) флеш-картада тапшырылган, 15 секундтан да ким булмаган телевизион эшләр (программалар, махсус репортажлар, телесюжетлар цикллары һәм башка телевизион эшләр)
- МР4 форматында һәм (яки) күчереп алу өчен актив сылтама белән CD - яки DVD-дискта һәм (яки) флеш-картада тапшырылган, 15 секундтан да ким булмаган радиосюжетлар (программалар, махсус репортажлар, радиосюжетлар цикллары);
- басма, электрон массакүләм мәгълүмат чараларында, газеталарда (журналларда, альманахларда) һәм башка басма, электрон массакүләм мәгълүмат чараларында мәкаләләр (мәкаләләр сериясе, махсус чыгарылышлар). Материаллар җитәкче имзасы һәм юридик зат мөһере белән (булса) яки автор имзасы белән (физик затлар өчен) расланырга, 1500 билгедән дә ким булмаска тиеш, оригиналда яки ксерокопиядә яисә сканер аша чыгарылган вариантта (фото) тапшырыла.
Конкурс эшләре, конкурс турында нигезләмәдә күрсәтелгән документлар пакеты белән бергә, Татарстан Республикасы Дәүләт алкоголь инспекциясендә (420107, Татарстан Республикасы, Казан шәһәре, Һади Такташ урамы, 94 йорт), почта аша һәм (яки) konkurs.zpp@tatar.ru адресы буенча электрон почта аша (pdf, jpeg яки видеоформатта) «Татарстан Республикасында кулланучылар хокукларын яклауны иң яхшы яктыртуга Конкурс» тамгасы белән 2021 елның 20 октябренә кадәр кабул ителә.
Белешмәләр өчен телефоннар: (843) 277-94-99, 277-94-95.
Конкурска йомгак ясау һәм җиңүчеләрне бүләкләү 2021 елның ноябрь – декабрь айларында үтәчәк.
Конкурсны үткәрү тәртибе, шартлары һәм сроклары турында тулырак мәгълүмат Татарстан Республикасы Дәүләт алкоголь инспекциясе рәсми порталында http://gosalcogol.tatar.ru/, Татарстан Республикасы кулланучылар хокукларын яклау порталында http://tatzpp.ru/ «Чаралар»/ «Кулланучылар хокукларын яклау темасын иң яхшы яктыртуга конкурс» бүлегендә урнаштырылган.