Казахстан Республикасы бәйсезлегенең 30 еллыгына багышлап Илбашы китапханәсе һәм Нурсолтан Назарбаев фонды журналистлар өчен «Казахстан бәйсезлеге һәм Илбашы» конкурсын игълан итә
Казахстан Республикасының Беренче Президенты – Илбашы китапханәсе һәм Нурсолтан Назарбаев фонды Казахстан Республикасының бәйсезлегенә 30 ел тулуга багышлап басма һәм электрон массакүләм мәгълүмат чаралары арасында ел саен үткәрелә торган «Казахстан бәйсезлеге һәм Илбашы» халыкара конкурсын игълан итә.
Конкурсның максаты – Казахстан дәүләтчелегенең нигезе буларак, Илбашының идеяләрен һәм инициативаларын популярлаштыру, илнең бәйсезлек елларындагы казанышларын дөньяга таныту, басма һәм электрон массакүләм мәгълүмат чаралары хезмәткәрләренең һөнәри үсеше өчен мораль һәм матди стимуллар булдыру, Казахстан һәм халыкара журналистлык бергәлекләрендә яңа перспективалы исемнәрне ачыклау.
Конкурс биш номинациядә үткәрелә:
«Иң яхшы телевизион материал»;
«Иң яхшы радиоматериал»;
«Газеталарда һәм журналларда иң яхшы мәкалә»;
«Интернет массакүләм мәгълүмат чараларында иң яхшы язма»;
«Чит ил массакүләм мәгълүмат чараларында иң яхшы язма».
Конкурста профессиональ журналистлар катнаша ала.
Конкурста катнашу өчен 2020 елның 10 октябреннән 2021 елның 10 октябренә кадәр (шул исәптән 2021 елның 10 октябрен кертеп) дөнья күргән (эфирда бастырылган, Интернетта урнаштырылган) оригиналь авторлык материаллары кабул ителә.
Конкурс нәтиҗәләрен Казахстанның танылган журналистлары, күренекле дәүләт һәм җәмәгать эшлеклеләре кергән конкурс комиссиясе чыгарачак. Конкурста җиңүчеләрне бүләкләү тантанасы Бәйсезлек Көне алдыннан була.
Конкурста катнашу өчен гаризалар почта яки электрон почта аша (presidentlibrary.pr.kz@gmail.com) 2021 елның 20 октябренә кадәр кабул ителә. Адрес: Z05S5X1, Республика Казахстан, г. Нур-Султан, ул. А. Бокейхана, 1А, каб.343, с пометкой «На конкурс «Независимость Казахстана и Елбасы»: (7172) 693056, 693057, 693053, 693059).
Конкурсны үткәрү шартлары һәм сроклары турында тулырак мәгълүмат белән түбәндәге сайтларда танышырга мөмкин: www.presidentlibrary.kz и www.fnn.kz.